আজি এটা চাঞ্চল্যকৰ ঘটনাত গোলাঘাট জিলাৰ বগীধলা চাহ বাগিচাত এটা গুলীচালনাৰ ঘটনা ঘটে আৰু দহজনকৈ লোক আহত হয়। ইয়াৰে দুজনক সংকটজনক অৱস্থাত যোৰহাট মেডিকেল কলেজ হস্পিটেললৈ নিয়া হৈছে। বাগিচাখনত এতিয়াও ভীতি তথা চেপা উত্তেজনা অব্যাহত আছে। জানিব পৰামতে বাগিচা কৰ্তৃপক্ষই যোৱা ভালেমান ন মাহতকৈ অধিক সময়ৰ দৰমহা দিয়া নাছিল। পি এফ, গ্ৰেচুইচটিও দিবলৈ বাকী আছিল। আনকি যোৱা বছৰৰ ২০ শতাংশ পূজাৰ বোনাচো শ্ৰমিকসকলক দিয়া নাছিল। এই সম্পৰ্কত যোৱা নৱেম্বৰ ১৮ তাৰিখে ৩০০তকৈও অধিক শ্ৰমিকে বাগিচাখনৰ কাৰ্য্যালয় তথা মালিকপক্ষক ঘেৰাও কৰিছিল। গোলাঘাটৰ শ্ৰম আয়ুক্ত আৰু অতিৰিক্ত আৰক্ষী অধীক্ষক ধ্ৰুৱ বৰাৰ উপস্থিতিত শ্ৰমিকসকলৰ তীব্ৰ প্ৰতিবাদত সেও মানি মালিকপক্ষই তেওঁলোকক ১২ ডিচেম্বৰৰ ভিতৰত ১৪ শতাংস বোনাছ দিয়াৰ লিখিত প্ৰতিশ্ৰুতি দিছিল। কিন্তু কালি সেই সময়সীমা পাৰ হোৱাত আজি কিছু সংখ্যক শ্ৰমিকে সমীৰ ৰয় আৰু সুধীৰ ৰয়ক সাক্ষাৎ কৰে। আলোচনাৰ মাজত দুই পক্ষৰ মাজত কথাৰ কটাকটি হৈ ক্ৰমে হতাহতিৰ ৰূপ লয়। পৰিস্থিতিটোৰ বিষয়ে তৎক্ষণাত নুমলীগড় আৰক্ষীলৈ খবৰ দিয়া হয়। অলপ পিছতে নুমলীগড় আৰক্ষী আহি উপস্থিত হয় আৰু আৰক্ষী বিষয়াৰ উপস্থিতিতে মালিকদ্বয়ে শ্ৰমিকসকলৰ ওপৰত গুলী চলায়। এই গুলীচলনাত দহজনকৈ লোক আহত হয়। আহতসকলৰ ভিতৰত দুজনৰ অৱস্থা সংকটজনক। দুয়োজনকে যোৰহাট মেডিকেল কলেজ হস্পিটেললৈ নিয়া হৈছে। আনসকল আহতক চহিদ কুশল কোঁৱৰ অসামৰিক চিকিৎসালয়লৈ নিয়া হৈছে। ঘটনাৰ পিছত দুহেজাৰতকৈও অধিক শ্ৰমিক বাগিচাৰ কাৰ্য্যালয়ৰ সন্মুখত গোট খায় আৰু কাৰ্য্যালয় ঘেৰাও কৰে। তেওঁলোকে মালিক দুজনক তেওঁলোকক গতাই দিবলৈ দাবী জনায়।
গোলাঘাটৰ বগীধলা চাহ বাগিচাত উত্তেজনা : বাগিচাৰ মালিকৰ গুলীচালনাত ১০জন আহত
-
By NE NOW NEWS
![](https://assam.nenow.in/wp-content/uploads/2017/12/Golaghat.jpeg)
- Categories: অসম
Related Content
ADRE : পৰীক্ষাৰ ভুৱা প্ৰশ্নকাকত ফাদিল কৰি আৰক্ষীৰ আলহী হ’ল ধুবুৰীৰ যুৱক
By
এন ই নাও নিউজ
September 7, 2024 9:07 pm
কিয় চেবিৰ অধ্যক্ষই পদত্যাগ কৰা উচিত?
By
এন ই নাও নিউজ
September 7, 2024 7:14 pm
স্মাৰ্ট মিটাৰৰ বিৰুদ্ধে 'আপ'ৰ বিক্ষোভ : শক্তিমন্ত্ৰীৰ পুত্তলিকা দাহ আপ কৰ্মীৰ
By
এন ই নাও নিউজ
September 7, 2024 6:58 pm
প্ৰদ্যুৎ বৰদলৈয়ে হিমন্ত বিশ্ব শৰ্মাক মনত পেলাই দিলে অতীতৰ কথা
By
এন ই নাও নিউজ
September 7, 2024 6:53 pm
আম আদমী পাৰ্টিৰ উদ্যোগত সুধাকণ্ঠৰ ৯৮ সংখ্যক জন্মজয়ন্তী
By
এন ই নাও নিউজ
September 7, 2024 3:26 pm
পুনৰ উত্তপ্ত মণিপুৰ! উগ্ৰপন্থীৰ ঘাটি ধ্বংস কৰাত ব্যস্ত আৰক্ষী তথা কেন্দ্ৰীয় বাহিনী; দুইপক্ষৰ সংঘৰ্ষত ৫জনৰ মৃত্যু
By
এন ই নাও নিউজ
September 7, 2024 1:21 pm