![A group of elephants stroll in Kaziranga National Park in the northeastern state of Assam, July 16, 2004. [Nearly 80 percent of the 430 square kilometers national park is filled with floodwaters. The park, a World heritage Site, is the world largest refuge to the great Indian one-horned rhinoceros. There are around 1700 rhinoceros in the park.] - RTXMRE0](https://assam.nenow.in/wp-content/uploads/2017/12/elephant.jpg)
ৰাজ্যৰ বিভিন্ন প্ৰান্তত বনৰীয়া হাতীৰ তাণ্ডৱ চলাই অহাৰ সমান্তৰালভাৱে গোৱালপাৰাৰ বুধিপাৰা অঞ্চলত হাতীৰ আক্ৰমণত গুৰুতৰভাবে আহত হ’ল জঞ্জালু নাথ নামৰ লোকজন। জানিব পৰা মতে জঞ্জালু নাথ নিশা শুই থকা অৱস্থাতে হাতীৰ এটা জাকে তেখেতৰ ঘৰত আক্ৰমণ চলায়। আনহাতে নাথে হাতী অহাৰ উমান পাই ঘৰৰ পৰা ওলাই যাব বিচাৰিছিল যদিও এটা হাতীয়ে তেওঁক খেদি গৈ ভৰিৰে আক্ৰমণ কৰাত লোকজন গুৰুতৰভাবে আঘাত প্ৰাপ্ত হয়। বুধিপাৰা ৰাইজে ঘটনাটোৰ বিষয়ে অবগত হোৱাত ঘটনাস্থলীত উপস্থিত হোৱাত হাতীৰ জাকটো পলাই যায়। স্থানীয় একাংশ ৰাইজে জঞ্জালু নাথক পদ্ধাৰ কৰি প্ৰথমে গোৱালপাৰা চিভিল হস্পিতালত ভৰ্ত্তি কৰায় যদিও চিকিৎসকে উন্নত চিকিৎসাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰে।
জানিব পৰা মতে বুধিপাৰা অঞ্চলত দিনে-নিশাই হাতীৰ জাকে ৰাইজৰ খেতি-পথাৰ তহিলং কৰাৰ লগতে ৰাইজক হাৰাশাস্তি কৰি আহিছে যদিও বনবিভাগৰ লোকে কোনো ব্যৱস্থা গ্ৰহণ নকৰাত ৰাইজ ক্ষুদ্ধ হৈ পৰিছে। উল্লেখযোগ্য যে স্থানীয় ৰাইজে বনবিভাগৰ লোকক খবৰ দিছিল যদিও পুৱা ৫ বজাৰ পৰা দুপৰীয়া ১২ বজালৈ অঞ্চলটোত বনবিভাগৰ কোনো এজন ব্যক্তি উপস্থিত নোহোৱাত ৰাইজ ক্ষোভিত হৈ পৰিছে। ইফালে স্থানীয় ৰাইজে অভিযোগ কৰা অনুসৰি বন সংমণ্ডল প্ৰাধিকাৰী বিষয়া বুধিপাৰালৈ দিনৰ ১ বজাত আহিছিল যদিও গাড়ীৰ পৰা নামি নাহিল। বনবিভাগৰ বিষয়াজনৰ এনে আচৰণত ৰাইজসকল ক্ষুদ্ধ হয় আৰু বন্যজন্তুৰ কবলৰ পৰা নিৰাপত্তা দিয়াত অসমৰ্থ জিলা বন বিভাগক একাংশই গৰিহণা দিয়াও পৰিলক্ষিত হল ।
