নগাঁও জিলাৰ চামগুৰি ৰাজহুৱা প্ৰেক্ষাগৃহত আজি অসম গণ পৰিষদৰ এখনি বৰ্দ্ধিত কাৰ্যনিৰ্বাহক সভা অনুষ্ঠিত হয়। জানিব পৰা মতে সাংগঠনিক ভেটি শক্তিশালী কৰিবলৈ কালি বিয়লি চামগুৰি ৰাজহুৱা প্ৰেক্ষাগৃহত অনুষ্ঠিত হোৱা চামগুৰি সমষ্টি সমিতিৰ বৰ্দ্ধিত কাৰ্যনিৰ্বাহক সভাখনত সভাপতিত্ব কৰে চামগুৰি সমষ্টি সমিতিৰ সভাপতি ভৰত দাসে।
সমষ্টি সমিতিখনৰ সম্পাদক জীতু বৰাই উদ্দেশ্য বাখ্যা কৰা সভাখনৰ আৰম্ভণিতে অলপতে জটিল ৰোগত মৃত্যু ঘটা সদৌ অসম ছাত্ৰ সন্থাৰ নগাঁও জিলা সমিতি সহকাৰী সম্পাদক সঞ্জীৱ দাসৰ বিদেশী আত্মাৰ চিৰ শান্তিৰ কামনাৰে এক মিনিট সময় মৌন প্ৰাৰ্থনা কৰি শোক সভা অনুষ্ঠিত কৰে। ইয়াৰ উপৰি পৰিয়ালবৰ্গ লৈ সমবেদনা জ্ঞাপন কৰাৰ লগতে এই সভাতে আগন্তুক দিনত কৰ্মী সভা অনুষ্ঠিত কৰিবলৈ সিদ্ধান্ত কৰি নগাঁও আৰু কলিয়াবৰ জিলা সমিতি লৈ প্ৰস্তাৱ প্ৰেৰণ কৰাৰ সিদ্ধান্ত লয়।
প্ৰায় তিনি শতাধিক লোক উপস্থিত থকা সভাখনত অগপ নেতা ক্ৰমে জয়ন্ত শৰ্মা, আঞ্জুমা বেগম, বাহাৰ উদ্দিন জাকাৰিয়াকে ধৰি বহু কেইজন গণ্য মান্য ব্যক্তি উপস্থিত থাকে।
