অ’ এন জি চিক ব্যক্তিগত খণ্ডক গতাই দিবলৈ লোৱা কেন্দ্ৰীয় চৰকাৰৰ পদক্ষেপৰ বিৰুদ্ধে আজি পশ্চিম ত্ৰিপুৰাৰ অ’ এন জি চিৰ কৰ্মৰাচী সংঘই অ’ এন জি চিৰ ত্ৰিপুৰা সম্পদৰ মুখ্য দ্বাৰৰ সন্মুখত এক প্ৰতিবাদ কাৰ্য্যসূচী ৰূপায়ণ কৰে। অ’ এন জি চি কৰ্মচাৰী সংঘৰ সাধাৰণ সম্পাদক তুষাৰ দত্ত মজুমদাৰে এই সম্পৰ্কত সংবাদ মাধ্যমক জনায় যে ভাৰত পেট্ৰলিয়াম আৰু গেছ কৰ্মচাৰী ফেডাৰেইশ্যনৰ দেশজোৰা প্ৰতিবাদৰ অংশস্বৰূপে আজি অ’ এন জি চিৰ কৰ্মচাৰী সংঘই এই প্ৰতিবাদ সাব্যস্ত কৰিছে। উৎপাদ বৃদ্ধিৰ অজুহাতত নিৰ্দিষ্ট কিছুমান অইল আৰু গেছ ফিল্ডৰ ৬০ শতাংশ অংশ ব্যক্তিগতখণ্ডৰ কোম্পানীক গতাই দিবলৈ মোদী নেতৃত্বাধীন কেন্দ্ৰীয় চৰকাৰে যি সিদ্ধান্ত লৈছে তাৰ বিৰুদ্ধে সকলো কৰ্মচাৰীয়ে প্ৰতিবাদ সাব্যস্ত কৰিছে। তেওঁ আৰু লগতে অভিযোগ কৰে যে এই প্ৰক্ৰিয়াটো বিগত য়ু পি এ চৰকাৰৰ দিনতে আৰম্ভ কৰা হৈছিল আৰু বৰ্তমানৰ বিজেপি চৰকাৰৰ দিনত তাক অধিক গুৰুতৰ ৰূপ দিয়া হৈছে। ইয়াৰ দ্বাৰা ব্যক্তিগত খণ্ডক লাভৱান কৰাৰ উদ্দেশ্য সিদ্ধি কৰিবলৈ লোৱা হৈছে বুলিও তেওঁ কয়। অ’ এন জি চিৰ কৰ্মচাৰী সংঘই প্ৰধান মন্ত্ৰীলৈ এই সিদ্ধান্তটো পুনৰ বিবেচনা কৰিবলৈ অনুৰোধ জনায় এখন স্মাৰক পত্ৰও প্ৰেৰণ কৰে। উল্লেখযোগ্য যে অ’ এন জি চি হ’ল এটা লাভজনক ৰাজহুৱা খণ্ডৰ প্ৰতিষ্ঠান, যি ৰাষ্ট্ৰীয় কোষাগাৰলৈ বৃহৎ পৰিমাণৰ ধন আনে, আৰু যাৰ বাবেই ইয়াক নৱৰত্ন বুলি কোৱা হয়।
ব্যক্তিগতকৰণৰ বিৰুদ্ধে অ’ এন জি চিৰ ত্ৰিপুৰা গোটৰ কৰ্মীৰ ধৰ্ণা
-
By NE NOW NEWS
- Categories: ত্ৰিপুৰা
Related Content
মৰ্মান্তিক! উচ্চতৰ মাধ্যমিৰ ফলাফলৰ পিছদিনাই সৰ্বনাশ কৰিলে ছাত্ৰই
By
এন ই নাও নিউজ ব্যুৰো
May 16, 2024 6:23 pm
LOKSABHA ELECTION 2024: উত্তৰ-পূবৰ ১৫খন লোকসভাৰ আসনৰ বাবে আৰম্ভ ভোটগ্ৰহণ
By
এন ই নাও নিউজ ব্যুৰো
April 19, 2024 8:35 am
উৎসৱৰ ভিৰ নিয়ন্ত্ৰণৰ বাবে অধিক হোলী বিশেষ ৰে'ল; কেইখনমান ৰে'লৰ অতিৰিক্ত ষ্টপেজ প্ৰদান
By
এন ই নাও নিউজ ব্যুৰো
March 24, 2024 8:48 am
লোকসভা নিৰ্বাচনৰ পূৰ্বে শক্তি বৃদ্ধি বিজেপিৰঃ এন ডি এত যোগদান টিপ্ৰা মথাৰ
By
এন ই নাও নিউজ ব্যুৰো
March 6, 2024 5:37 pm
মৰ্মান্তিক! ৮ দিন পুত্ৰৰ মৃতদেহৰ সৈতে বাস কৰিলে ত্ৰিপুৰাৰ ৮২ বছৰীয়া বৃদ্ধাই
By
এন ই নাও নিউজ ব্যুৰো
March 5, 2024 8:30 pm
কৰ্কট ৰোগত আক্ৰান্ত হৈ ২৯ বছৰ বয়সতে মৃত্যু মিছ ইণ্ডিয়া খিতাপ বিজয়ী জনপ্ৰিয় মডেলৰ
By
এন ই নাও নিউজ ব্যুৰো
February 29, 2024 1:11 pm