ব্ৰহ্মপুত্ৰৰ পানী দূষিত হোৱা বিষয়টো চীনৰ লগত আলোচনা নকৰা বাবে বিজেপি চৰকাৰক কঠোৰ সমালোচনা কৰে প্ৰাক্তন মুখ্য মন্ত্ৰী তৰুণ গগৈয়ে। শুকুৰবাৰে সংবাদ মাধ্যমৰ আগত এইদৰে কয় প্ৰাক্তন মুখ্য মন্ত্ৰীজনে। স্বাভাৱিক কথনভংগিৰে তেওঁ কয়, ”এনেকুৱা সমস্যা আমাৰ দিনতো হৈছিল। কিন্তু আমি চুবুৰীয়া দেশখনৰ সৈতে বিষয়টো আলোচনা কৰিছিলো। আনকি আমাৰ প্ৰাক্তন প্ৰধান মন্ত্ৰী ড০ মনমোহন সিঙে খৰতকীয়াকৈ চীনৰ ৰাষ্ট্ৰপতিৰ সৈতে কথাটো আলোচনা কৰিছিল।” তেওঁ লগতে কয় যে কংগ্ৰেছে অসমত ‘ব্ৰহ্মপুত্ৰ বচাওক, অসম বচাওক অভিযান’ (save Brahmapura, save Assam mission) আৰম্ভ কৰিব। তেওঁ চৰকাৰৰ নিস্পৃহতাত ক্ষোভ ব্যক্ত কৰি কয় যে এইটো এটা গভীৰ শংকাৰ বিষয়। কিন্তু চৰকাৰে বিষয়টো এতিয়াও গুৰুত্বসহকাৰে লোৱা নাই। নমামি ব্ৰহ্মপুত্ৰ পাতি কোটি কোটি টকা খৰচ কৰা চৰকাৰে এতিয়াও বিষয়টোৰ গুৰুত্ব বুজিবলৈ বাকী। গংগা পৰিষ্কাৰ আঁচনিৰ দৰে ব্ৰহ্মপুত্ৰ পৰিষ্কাৰ কৰা আঁচনিও ল’ব লাগে। আনহাতে আন কিছুমান প্ৰসংগতো গগৈয়ে নিজৰ স্বাভাৱিক বাচলতাৰে নিজৰ মত ব্যক্ত কৰে। কেন্দ্ৰীয় চৰকাৰখনে ৰাজ্যখনৰ বান আৰু গৰাখহনীয়া সমস্যাটোকো কোনো গুৰুত্বসহকাৰে লোৱা নাই। চৰকাৰখনে এতিয়াও বান আৰু গৰাখহনীয়া শিতানত টকা মুকলি কৰি দিয়া নাই। আনহাতে নাগা ফ্ৰেইমৱৰ্ক এগ্ৰিমেণ্টৰ বিষয়ত নিজৰ স্থিতি প্ৰকাশ কৰি কয় যে চৰকাৰে এই চুক্তিখন ৰাজহুৱা কৰিব লাগে। ‘আমি নাগালিমত আমাৰ এক ইঞ্চি মাটিও সোমাবলৈ নিদিওঁ।” গগৈয়ে কয়। আনহাতে মোদীক ‘নীচ মানুহ’ বুলি কৈ দলৰ পৰা অলপতে নিলম্বিত হোৱা জ্যেষ্ঠ কংগ্ৰেছ নেতা মণিশংকৰ আয়াৰ সম্পৰ্কতো তেওঁ মন্তব্য দি কয়, ”আয়াৰক দলৰ পৰা নিলম্বন কৰাতে প্ৰমাণ কৰে যে ৰাহুল গান্ধী এজন যোগ্য নেতা।” আনহাতে বিজেপিক কটাক্ষ কৰি কয়, বিজেপিৰ নেতাই মোদীৰ বিৰুদ্ধে কথা ক’লে গেৰুৱা বাহিনীটোৰ পৰিয়ালৰ সদস্যৰ দৰে আদৰা হয়। এই প্ৰসংগত তেওঁ স্বাস্থ্য মন্ত্ৰী ড০ হিমন্ত বিশ্ব শৰ্মাই গুজৰাটত পানীৰ পাইপেৰে তেজ বয় বুলি কোৱা কথা মনত পেলাই দিয়ে।
ব্ৰহ্মপুত্ৰৰ পানী প্ৰদূষিত হোৱাক লৈ বিজেপি চৰকাৰ মুঠেই উদ্বিগ্ন নহয়
-
By NE NOW NEWS
- Categories: অসম
Related Content
ৰাষ্ট্ৰীয়তাবাদী হ’বলৈ গৈ অগপই হেৰুৱাইছে আঞ্চলিকতাবাদী তত্ত্ব: মনোৰঞ্জন তালুকদাৰ
By
এন ই নাও নিউজ ব্যুৰো
May 5, 2024 12:57 pm
ড্ৰাগছ সেৱন কৰোৱাই অষ্ট্ৰেলিয়াৰ মহিলা সাংসদক যৌন নিৰ্যাতন চলোৱাৰ অভিযোগ
By
এন ই নাও নিউজ ব্যুৰো
May 5, 2024 12:21 pm
নৰেন্দ্ৰ মোদীয়ে কিয় গুজৰাটৰ পৰা নিৰ্বাচন নেখেলে? কাৰণ জনাই সৰৱ প্ৰিয়ংকা গান্ধী
By
এন ই নাও নিউজ ব্যুৰো
May 5, 2024 10:49 am
ভাৰতীয় বিজ্ঞানীসকলৰ ডাঙৰ সফলতা! চন্দ্ৰত বৰফৰ নতুন প্ৰমাণ পোৱাৰ দাবী
By
এন ই নাও নিউজ ব্যুৰো
May 5, 2024 9:22 am
যাত্ৰীৰ চাহিদা বৃদ্ধি! গুৱাহাটীৰ পৰা চলিব আৰু কেইখনমান গ্ৰীষ্মকালীন বিশেষ ৰে’ল
By
এন ই নাও নিউজ ব্যুৰো
May 5, 2024 8:13 am
IPL 2024: অনবদ্য বিৰাট-ডু প্লেছিছ; গীলৰ গুজৰাট টাইটানছৰ বিৰুদ্ধে আৰচিবিৰ জয়ৰ হেট্ৰিক, পিছে কি হ’ব?
By
এন ই নাও নিউজ ব্যুৰো
May 5, 2024 7:39 am