আজি মেঘালয়ৰ বিদ্ৰোহী কংগ্ৰেছ বিধায়ককেইজনে কৈছে যে তেওঁলোকে কেতিয়া কংগ্ৰেছ দল এৰিব লাগে সেই সম্পৰ্কত মুখ্য মন্ত্ৰী মুকুল চাংমাৰ পৰা কোনো পৰামৰ্শ লোৱাৰ প্ৰয়োজন হোৱা নাই। উল্লেখযোগ্য যে মুকুল চাংমাই কিছু দিনৰ আগতে দলৰ বিদ্ৰোহী বিধায়ককেইজনক দল ত্যাগ কৰিবলৈ প্ৰত্যাহ্বান জনাইছিল। আজি বিদ্ৰোহী নেতাকেইজনে তাৰে প্ৰত্যুত্তৰ হিচাপে এই মন্তব্য কৰে। ‘আমি উপযুক্ত সময়ত পদত্যাগ কৰিম, তেওঁ কিয় হস্তক্ষেপ কৰিব? তেওঁ আমাক পৰামৰ্শ দিব নালাগে। আমি পৰিপক্ব আৰু যথেষ্ট জ্ঞান আছে। গতিকে তেওঁ আমাক এইটো কৰ, সেইটো কৰ ক’ব নালাগে। কাৰণ তেওঁ আৰু এতিয়া আমাৰ নেতা হৈ থকা নাই।’ এইদৰে কয় প্ৰাক্তন কংগ্ৰেছী মন্ত্ৰী প্ৰেছট’ন টাইনছঙে। টাইনছঙৰ সৈতে সেই সময়ত প্ৰাক্তন উপ মুখ্য মন্ত্ৰী ৰ’ৱেল লিংডোও আছিল, যিজনেও কংগ্ৰেছ ত্যাগ কৰাৰ পথত। তেওঁলোকে শীতকালীন বিধানসভাৰ অধিৱেশনৰ পিছতেই পদত্যাগ কৰিব নেকি বুলি সাংবাদিকে সোধা এটা প্ৰশ্নৰ উত্তৰত কয়, ‘আমি খুব সোনকালেই পদত্যাগ কৰিম।’ টাইনছং আৰু ৰ’ৱেলৰ উপৰি দলত্যাগ কৰিবলৈ ওলোৱা আন আন কংগ্ৰেছী বিধায়ককেইজন হ’ল প্ৰাক্তন মন্ত্ৰী কমিংগ’ন য়িমব’ন, দুই ভাতৃ ক্ৰমে এনগেইটলাং ধাৰ আৰু স্নিয়াভালাং ধাৰ আৰু নিলম্বিত কংগ্ৰেছ বিধায়ক পিনছগেইনলাং এন ছিয়েম। ইয়াৰ টাইনছং, ৰ’ৱেল, কমিংগ’ন আৰু ধাৰ ভাতৃদ্বয়ে এন পি পি (National People’s Party) দলত যোগদান কৰাৰ কথা। আৰু পিনছগেইনলাঙে নৱগঠিত পি ডি এফ (People’s Democratic Front) ত যোগদান কৰাৰ কথা। উল্লেখযোগ্য যে ৬০জনীয়া মেঘালয় বিধানসভাত শাসনাধিষ্ঠিত কংগ্ৰেছৰ বৰ্তমান ৩০ জন বিধায়ক আছে। বৰ্তমানৰ বিধানসভাখনৰ কাৰ্য্যকাল অহা ৬ মাৰ্চত অন্ত পৰিব আৰু সেইবাবে অহা বছৰৰ ফেব্ৰুৱাৰি-মাৰ্চত নিৰ্বাচন হোৱাৰ কথা। চলিত বিধান সভাৰ অন্তিমখন ডিচেম্বৰ ৮ তাৰিখে আৰম্ভ হৈছিল আৰু অহা বুধবাৰে পুনৰ আৰম্ভ হৈ বৃহস্পতিবাৰে শেষ হ’ব।
মেঘালয়ৰ বিদ্ৰোহী কংগ্ৰেছী বিধায়কে উভতি ধৰিলে মুখ্য মন্ত্ৰী মুকুল চাংমাক
-
By NE NOW NEWS
![](https://assam.nenow.in/wp-content/uploads/2017/12/PRESTONE.jpg)
- Categories: Uncategorized, মেঘালয়
Related Content
নেতানিয়াহুৰ পদত্যাগক লৈ অস্থিৰ ইজৰাইল : যুদ্ধবিৰতিৰ দাবীত ৰাজপথত হাজাৰ-হাজাৰ জনতা
By
এন ই নাও নিউজ
September 2, 2024 6:42 pm
মেঘালয়ত আৱামী লীগৰ জ্যেষ্ঠ নেতাক হত্যা কৰাৰ দাবী খণ্ডন কৰিলে বি এছ এফে
By
এন ই নাও নিউজ
August 26, 2024 8:58 am
সংবাদমেলত প্ৰশ্ন সুধিলে নাম উল্লেখ কৰিব লাগিব সাংবাদিকে : শ্বাহ আলম প্ৰসংগত হিমন্ত বিশ্ব শৰ্মা
By
এন ই নাও নিউজ
August 25, 2024 5:29 pm
General Knowledge : ৩য়-৪ৰ্থ বৰ্গৰ চাকৰিৰ নিযুক্তি পৰীক্ষাৰ বাবে মোগল সাম্ৰাজ্যৰ ৩০ টা প্ৰশ্নোত্তৰ
By
এন ই নাও নিউজ
August 25, 2024 4:54 pm
ইনষ্টাগ্ৰামত লগ পোৱা বন্ধু : লগ কৰিবলৈ গৈ উৎপীড়নৰ সন্মুখীন যুৱতী
By
এন ই নাও নিউজ
August 24, 2024 9:35 pm
মুখ্যমন্ত্ৰী হিমন্ত বিশ্ব শৰ্মাৰ আচৰণ আৰু বক্তব্যক ধিক্কাৰ অসম নাগৰিক সমাজৰ
By
এন ই নাও নিউজ
August 22, 2024 4:33 pm