সম্প্ৰসাৰিত হ’ল অসম বিজেপি ( Assam BJP )ৰ ৰাজ্যিক কাৰ্য্যনিৰ্বাহক সমিতি। কেবাজনো নতুন মন্ত্ৰীৰ লগতে আন বহু নেতাৰ নিযুক্তিৰে সভাপতি ৰঞ্জিত দাসে আজি ৪ মে’ত সমিতিখনৰ সম্প্ৰসাৰণ কৰে।
সমিতিখনত কেইবাগৰাকী অন্তৰ্ভুক্ত হোৱা নতুন মন্ত্ৰীসকল হ’ল পাৰ্বত্য এলেকা উন্নয়ন মন্ত্ৰী চুম ৰংহাং, জলসিঞ্চন আৰু ৰাজহ মন্ত্ৰী ভৱেশ কলিতা, স্বাস্থ্য-পৰিয়াল কল্যাণ দপ্তৰৰ ৰাজ্যিক মন্ত্ৰী পীযুষ হাজৰিকা আৰু শক্তি মন্ত্ৰী তপন গগৈ।
আনহাতে প্ৰাক্তন মন্ত্ৰী আমিনুল ইছলাম, প্ৰাক্তন বিধায়ক লিয়াকত আলী খান, বিশ্বজিৎ ৰায়, ৰাতুল শৰ্মা, মধুৰাম ডেকা, শংকৰ দে, ৰিতুপৰ্ণা ডেকা, ৰঞ্জিত মজুমদাৰ, প্ৰশান্ত মহন্ত, ধ্ৰুৱপ্ৰসাদ বৈশ্য, ৰীনা সিং, নিজৰা চমুৱা, প্ৰণৱ লহকৰ, শৰৎ বৰ্মন, ভূপেন কলিতা।
কাৰ্য্যনিৰ্বাহক সমিতিত আমন্ত্ৰিত সদস্য হিচাপে নিযুক্তি দিয়া হৈছে মিনাৰাম চুতীয়া, লীনা শইকীয়া বৰা, শৰ্মিষ্ঠা খাজাঞ্চি, জ্যোতিৰ্ময় শৰ্মা, দেৱজিৎ মৰাণ, জিনা বৰুৱা, কল্পনা দাস, পাৰুল শইকীয়া, বিদ্যাৱতী দাস, নৰেন দাস, দিপাংকৰ বৰা আৰু ৰুহিনী বৰাক।
তাৰোপৰি বিজেপি দলৰ বিভাগ আৰু প্ৰকল্পসমূহৰ আহ্বায়ক আৰু সহ আহ্বায়কসকলকো ৰাজ্যিক কাৰ্য্যনিৰ্বাহকত সদস্য হিচাপে অন্তৰ্ভুক্ত কৰা হৈছে।
নতুন সদস্য-সদস্যাসকলক আগন্তুক দিনত দলৰ কাম-কাজ সুচাৰুৰূপে আগবঢ়াই নিয়াৰ বাবে ৰাজ্যিক সভাপতিগৰাকীয়ে আহ্বান জনাইছে।
