পিছপৰা জনজাতি কল্যান সঞ্চালকালয়ৰ উদ্যোগত যোৱা শুকুৰবাৰে কামৰূপ মহানগৰ জিলাৰ সোণাপুৰত অনুষ্ঠিত ‘গ্ৰাম স্বৰাজ অভিযান’ত অংশগ্ৰহণ কৰে বন মন্ত্ৰী প্ৰমীলাৰাণী ব্ৰক্ষ্মই।
উল্লেখযোগ্য যে ভাৰতৰ সংবিধান প্ৰণেতা ড০ বি আৰ আম্বেদকাৰৰ ১২৭ সংখ্যক জন্ম জয়ন্তী উপলক্ষে এই অনুষ্ঠানৰ আয়োজন কৰা হৈছে। অনুষ্ঠানটোত অংশগ্ৰহণ কৰি বন মন্ত্ৰী গৰাকীয়ে ৰাষ্ট্ৰ গঠনত বি আৰ আম্বেদকাৰৰ অৰিহণাৰ বিষয়ে উল্লেখ কৰি এই ক্ষেত্ৰত গ্ৰাম স্বৰাজৰ ভূমিকাৰ বিষয়ে উল্লেখ কৰে।
অনুষ্ঠানটোত সোণাপুৰ ৰাজহ চক্ৰ বিষয়া জেনিফাৰ ইয়াচমিন, পিছপৰা জনজাতি কল্যান সঞ্চালকালয়ৰ লীনা দাসে উপস্থিত ৰাইজক জনজাতি কল্যানৰ অৰ্থে গ্ৰহণ কৰা পদক্ষেপ সমূহৰ বিষয়ে অৱগত কৰে।
অনুষ্ঠানটোত বিদ্যালয় পৰিদৰ্শক বুলি গগৈ ভূঞা, পিছপৰা জনজাতি কল্যান সঞ্চালকালয়ৰ গৱেষণা সহযোগী জগদীশ দাসৰ লগতে বীৰেন চন্দ্ৰ দাসে উপস্থিত ৰাইজক সম্বোধন কৰে।
জানিব পৰা মতে সোণাপুৰ ৰাজহ চক্ৰৰ মৈৰাবাৰী গাঁওখনক পিছপৰা জনজাতিৰ মডেল গাঁও হিচাপে গঢ়ি তোলা হ’ব।
