দ’নাৰ মন্ত্ৰ্যালয়ৰ উত্তৰ-পূব পৰিষদৰ সচিব ৰাম মুইভাই আজি ইটানগৰৰ ৰাজ ভৱনত অৰুণাচল প্ৰদেশৰ ৰাজ্যপাল ব্ৰিগেদিয়াৰ (অঃ) বি দি মিশ্ৰৰ সৈতে এক বৈঠকত মিলিত হয়।
উত্তৰ-পূব পৰিষদৰ অধীনত ৰাজ্যখনত হৈ থকা বিভিন্ন উন্নয়নমূলক প্ৰকল্প সম্পৰ্কে তেওঁলোকে আলোচনা কৰে।
পৰিষদৰ অধীনত ৰূপায়িত প্ৰকল্পসমূহৰ সময়সাপেক্ষ সম্পূৰ্ণকৰণত ৰাজ্যপালজনে জোৰ দিয়ে। প্ৰয়োজনসাপেক্ষে চলি থকা প্ৰকল্পসমূহত সংশোধন কৰাৰ বাবে প্ৰকল্পসমূহৰ পুনৰ নিৰীক্ষণ আৰু মধ্যকালীন সংশোধনৰ ওপৰত ৰাজ্যপালে জোৰ দিয়ে।
অৰুণাচলৰ তিৰাপ, লংদিং আৰু চাংলাং জিলাত চলি থকা উত্তৰ-পূব পৰিষদৰ জীৱিকা আৰু গাওঁ উন্নয়ন প্ৰকল্প উত্তৰ পূৰ্বাঞ্চল সামূহিক সম্পদ ব্যৱস্থাপনা প্ৰকল্প (North Eastern Region Community Resource Management Project)ৰ বাবে ৰাজ্যপালে পৰিষদৰ শলাগ লয়।
প্ৰকল্পটোৱে উত্তৰ-পূৰ্বাঞ্চলৰ দুখীয়া আৰু পিছপৰা জনজাতি পৰিয়ালসমূহৰ জীৱন পৰিৱৰ্তনৰ লক্ষ্য লৈছে।
