আগন্তুক বিধানসভাৰ নিৰ্বাচনৰ বাবে মেঘালয় কংগ্ৰেছে ডিচেম্বৰৰ ভিতৰতে চূড়ান্ত কৰিব প্ৰাৰ্থী তালিকা
আগন্তুক বিধানসভাৰ নিৰ্বাচনৰ বাবে মেঘালয় কংগ্ৰেছে ইয়াৰ প্ৰাৰ্থী তালিকা ডিচেম্বৰৰ ভিতৰতেই চূড়ান্ত কৰিব। দলে কমেও ছয় গৰাকী নিৰ্দলীয় বিধায়ক ইয়াৰ তালিকাত সোমাব বুলি আশা কৰিছে।
আনহাতে, মুখ্যমন্ত্ৰী মুকুল চাংমাই অহা নিৰ্বাচনত ছংছাক আৰু আমপটি দুয়োটা সমষ্টিৰ পৰাই প্ৰতিদ্বন্দ্বিতা আগবঢ়াব বুলি নিশ্চিত কৰিছে।
মুখ্যমন্ত্ৰী গৰাকীয়ে প্ৰকাশ কৰে যে তেওঁ নেচনেল পিপ’লছ্ পাৰ্টিয়ে তেওঁৰ বিৰুদ্ধে আমপটি বা ছংছাকত প্ৰাৰ্থী থিয় কৰোৱাকলৈ তেওঁ চিন্তিত নহয়। সাংবাদিকক চাংমাই কয়,’’মোৰ বাবে এয়া কেনেকৈ প্ৰাসংগিক।‘’
ইয়াৰ মাজতে ব্লক কমিটিসমূহে জিলা কমিটিলৈ পঠোৱা প্ৰাৰ্থিত্ব প্ৰত্যাশীৰ তালিকাসমূহ ৰাজ্যিক নেতৃত্বলৈ প্ৰেৰণ কৰা হৈছে । নিৰ্বাচনৰ দায়িত্বত থকা দলৰ সাধাৰণ সম্পাদক পলিকাৰ্প মাৰাকে কয় যে জিলা কমিটিসমূহে ইতিমধ্যে প্ৰদেশ কংগ্ৰেছৰ কাৰ্যালয়ত প্ৰাৰ্থীৰ তালিকা দাখিল কৰিছে।
মাৰাকে জনায় যে তেওঁ অহা ১৬ ডিচেম্বৰত ৰাজ্যিক নিৰ্বাচন কমিটিৰ এখন বৈঠক আহ্বান কৰিছে। তেওঁ লগতে কয় যে দলে যিমান পাৰি সোনকালে প্ৰাৰ্থীৰ তালিকা ঘোষণা কৰিব বিচাৰিছে।
কংগ্ৰেছ নেতা তথা কেবিনেট মন্ত্ৰী দেব’ৰাহ মাৰাকে কয় যে প্ৰাৰ্থীৰ তালিকাখন পৰীক্ষা কৰি চোৱাৰ বাবে নিৰ্বাচন কমিটিৰ বৈঠকখন এই মাহৰ মাজভাগতে অনুষ্ঠিত হোৱাৰ সম্ভাৱনা আছে। মাৰাক দলৰ নিৰ্বাচনী সমিতিৰো এগৰাকী সদস্য।
ৰাজ্যিক কমিটিয়ে নামসমূহ পৰীক্ষা কৰি নিখিল ভাৰত কংগ্ৰেছ কমিটিৰ অনুমোদনৰ বাবে প্ৰেৰণ কৰিব। কেইজনমান কংগ্ৰেছ বিধায়কে ২০১৮ ৰ নিৰ্বাচনত প্ৰতিদ্বন্দ্বিতা নকৰাৰ বাবে প্ৰাৰ্থীৰ নামসমূহ চূড়ান্ত কৰোতে দেৰি হৈছিল।
অলপতে কংগ্ৰেছ সদস্য কমিংগন য়ুমবনে মন্ত্ৰী পদৰ পৰা পদত্যাগ কৰাৰ পিছত এন পি পিত যোগদানৰ বাবে সাজু হৈছে।
দেৰি হোৱাৰ আন এটা কাৰণ হৈছে দলে কংগ্ৰেছত যোগ দিম বুলি ইতিমধ্যে কথা দিয়া ৬ গৰাকী নিৰ্দলীয় বিধায়কৰ বাবে অপেক্ষা কৰিবলগীয়া হোৱাটো।