আজি ভাৰতীয় জাতীয় কংগ্ৰেছৰ সভানেত্ৰী ছোনিয়া গান্ধীৰ ৭২ সংখ্যক জন্মদিন। সেই উপলক্ষে অসম প্ৰদেশ কংগ্ৰেছ কমিটীয়ে মহানগৰস্থিত ৰাজীৱ ভৱনত কংগ্ৰেছৰ সভানেত্ৰীগৰাকীৰ জন্মদিনটো উদযাপন কৰে। এই অনুষ্ঠানত অসম প্ৰদেশ কংগ্ৰেছ কমিটীৰ সভাপতি ৰিপুণ বৰা, বিৰোধী দলৰ দলপতি দেৱব্ৰত শইকীয়া, প্ৰাক্তন মন্ত্ৰী শৰৎ বৰকটকী, বিধায়ক ৰেকিবুদি্দন আহমেদ , অপূৰ্ব ভট্টাচাৰ্য্যকে প্ৰমুখ্য কৰি জ্যেষ্ঠ নেতৃবৰ্গ আৰু মহিলা কংগ্ৰেছৰ সদস্যা উপস্থিত থাকে। অনুষ্ঠানত সভাপতি ৰিপুণ বৰাই সভানেত্ৰী গৰাকীলৈ শুভেচ্ছা জ্ঞাপন কৰি কয় যে সুদীৰ্ঘ ১৮ বছৰ ধৰি দলক প্ৰতিনিধিত্ব কৰি নিয়াৰিকৈ দলৰ কাম-কাজ চলাই নিছে আৰু বহু কষ্ট স্বীকাৰ কৰি দলৰ উত্থানত অৰিহণা যোগাই আহিছে। তদুপৰি কংগ্ৰেছ দলৰ সভানেত্ৰী হিচাপে এইটোৱেই তেওঁৰ শেষ জন্মদিন বুলি ৰিপুণ বৰাই জানিবলৈ দিয়ে। কথাৰ প্ৰসংগতে প্ৰদেশ কংগ্ৰেছৰ সভাপতি গৰাকীয়ে কয় যে অহা ১১ ডিচেম্বৰত ভাৰতীয় জাতীয় কংগ্ৰেছৰ সভানেত্ৰী হিচাপে ছোনিয়া গান্ধীয়ে দায়িত্বৰ পৰা অব্যাহতি ল’ব। তেওঁৰ ঠাইত তেওঁৰ পুত্ৰ ৰাহুল গান্ধীয়ে সভাপতিৰ দায়িত্ব লোৱাৰ সম্ভাৱনা আছে। উল্লেখনীয় যে দলৰ সভাপতিৰ নিৰ্বাচনত ৰাহুল গান্ধীৰ বিপৰীতে অন্য কোনো লোকে প্ৰতিদ্বন্দ্বিতা আগ নবঢ়োৱা বাবে তেৱেঁই সভাপতি হিচাপে নিৰ্বাচিত হোৱাৰ সম্ভাৱনা প্ৰকট হৈ উঠিছে। ৰাহুল গান্ধীৰ নেতৃত্বত দলটোক আৰু অধিক শক্তিশালী কৰাৰ উদ্দেশ্যে ১১ ডিচেম্বৰত অসম প্ৰদেশ কংগ্ৰেছ কমিটীৰ উদ্যোগত আৰু গুৱাহাটী মহানগৰ সমিতিৰ সহযোগত ৰাজীৱ ভৱনত মানৱ শৃংখল কাৰ্য্যসূচী অনুষ্ঠিত কৰা হ’ব বুলি সাংবাদিকক জানিবলৈ দিয়ে। এই কাৰ্য্যসূচী ৰাজ্যৰ প্ৰত্যেক ব্লক কংগ্ৰেছ আৰু জিলা সমিতি সমূহতো অনুষ্ঠিত কৰা হ’ব বুলি ৰিপুণ বৰাই জানিবলৈ দিয়ে।
আজি ছোনিয়া গান্ধীৰ জন্মদিন : ৰাজীৱ ভৱনত কেক কাটি কাটিলে অসম প্ৰদেশ কংগ্ৰেছ কমিটীয়ে
-
By NE NOW NEWS
- Categories: অসম
Related Content
কাইলৈ ঘোষণা কৰা হ’ব উচ্চতৰ মাধ্যমিক চূড়ান্ত বৰ্ষৰ পৰীক্ষাৰ ফলাফল
By
এন ই নাও নিউজ ব্যুৰো
May 8, 2024 9:29 pm
অঘটন : EVM কঢ়িয়াই অনা গাড়ীত খুন্দিয়াই সংকটজনক অৱস্থাত বাইক আৰোহী
By
এন ই নাও নিউজ ব্যুৰো
May 8, 2024 10:28 am
নিৰ্বাচনৰ আগত ধন বিলাই হাতে-লোটে ধৰা পৰিল ইউ পি পি এলৰ নেত্ৰী, আৰক্ষীয়ে জব্দ কৰিলে টকাৰ বাণ্ডিল
By
এন ই নাও নিউজ ব্যুৰো
May 7, 2024 5:52 pm
অনবদ্য মেডোনা, ব্ৰাজিলৰ কোপাকাবানাত অনুষ্ঠিত হোৱা কনচাৰ্ট উপভোগ কৰিলে ১৬ লাখ দৰ্শকে!
By
এন ই নাও নিউজ ব্যুৰো
May 7, 2024 2:18 pm
আজিৰ নিৰ্বাচনত অৱতীৰ্ণ আটাইতকৈ ধনী প্ৰাৰ্থী ১৩৬১কোটিৰ গৰাকী! তৃতীয় স্থানত শিৱাজীৰ বংশধৰ
By
এন ই নাও নিউজ ব্যুৰো
May 7, 2024 12:08 pm
দিনৰ ১১ বজালৈ অসমৰ চাৰিটা লোকসভা সমষ্টিত ২৭.৩৪% ভোটগ্ৰহণ,বৰ্তমানলৈ সৰ্বোচ্চ কোকৰাঝাৰত,সৰ্বনিম্ন গুৱাহাটীত
By
এন ই নাও নিউজ ব্যুৰো
May 7, 2024 12:05 pm