মংগলবাৰ (৭ মে) নিৰ্বাচনত ১০ জন কেন্দ্ৰীয় মন্ত্ৰী, ৪ জন প্ৰাক্তন মুখ্যমন্ত্ৰী আৰু কেইবাজনো হেভিৱেটৰ ভাগ্য নিৰ্ণয় হ’ব। অমিত শ্বাহ, শিৱৰাজ সিং চৌহান, বাসৱৰাজ বোম্মাই, প্ৰহ্লাদ পেটেল, জ্যোতিৰাদিত্য সিন্ধিয়া, দিগ্বিজয় সিং, নাৰায়ণ ৰাণেৰ নিৰ্বাচনী পৰীক্ষা আজি ৭ মে’ত। ইপিনে, উত্তৰ প্ৰদেশৰ যাদৱ পৰিয়ালৰ ৩ জন সদস্যৰ নিৰ্বাচনী পৰীক্ষাও আজি। মুলায়ম সিঙৰ মৃত্যুৰ পিছত প্ৰথমবাৰৰ বাবে লোকসভা নিৰ্বাচনত প্ৰৱেশ কৰিছে সমাজবাদী পাৰ্টিয়ে। ইফালে, মঙলবাৰে কংগ্ৰেছ সভাপতি মল্লিকাৰ্জুন খাৰ্গেৰ জোঁৱায়েকো অৱতীৰ্ণ হৈছে।
মঙলবাৰে তৃতীয় পৰ্যায়ৰ লোকসভা নিৰ্বাচনৰ ভোটগ্ৰহণ চলি আছে। আজিৰ দিনটোত দেশৰ ১২খন ৰাজ্য আৰু কেন্দ্ৰীয় শাসিত অঞ্চলৰ ৯৩টা সমষ্টিত ভোটগ্ৰহণ অনুষ্ঠিত হৈছে। মঙলবাৰৰ নিৰ্বাচনত মুঠ ১৩৩১ গৰাকী প্ৰাৰ্থীয়ে নিজৰ ভাগ্য নিৰ্ণয় কৰিব। সেই অনুসৰি, অসমত ৪, বিহাৰত ৫, ছত্তীশগড়ত ৭, গোৱাত ২৫, গুজৰাটত ২৫, কৰ্ণাটকত ১৪, মধ্যপ্ৰদেশত ৯, মহাৰাষ্ট্ৰত ১১, পশ্চিম বংগত ৪, উত্তৰ প্ৰদেশত ১০, দাদৰ আৰু নগৰ হাভেলী আৰু দামন আৰু ডিউত ২ খন।
দক্ষিণ গোৱাৰ বিজেপি প্ৰাৰ্থী তথা উদ্যোগপতি পৰিয়ালৰ বোৱাৰী পল্লৱী ডেম্পোৱে তৃতীয় পৰ্যায়ৰ প্ৰাৰ্থীৰ ভিতৰত সম্পত্তিৰ ক্ষেত্ৰত শীৰ্ষস্থান দখল কৰিছে। স্থাৱৰ আৰু অস্থাৱৰ সম্পত্তি মিলি তেওঁৰ মুঠ সম্পত্তি ১,৩৬১ কোটি ৬৮ লাখ ৩৮ হাজাৰ ৭৩১ টকাৰ। লণ্ডন-ডুবাইত তেওঁৰ বিলাসী ঘৰ আছে। লগতে কেইবাখনো দামী গাড়ীও আছে।
লগতে পঢ়কঃ গান্ধী-নেহৰুৱে ভবা নাছিল যে তেওঁলোককো দেশদ্ৰোহী বুলি কোৱা হ’ব: ৰায়েবেৰেলীত সৰৱ প্ৰিয়ংকা গান্ধী
ধনীৰ ক্ষেত্ৰত দ্বিতীয় স্থানত আছে মধ্যপ্ৰদেশৰ গুনাৰ বিজেপি প্ৰাৰ্থী কেন্দ্ৰীয় অসামৰিক বিমান পৰিবহণ মন্ত্ৰী জ্যোতিৰাদিত্য সিন্ধিয়া। তেওঁৰ সম্পত্তিৰ পৰিমাণ ৪২৪.৭৪ কোটি টকা। ছত্রপতি শিৱাজী মহাৰাজৰ বংশধৰ ছত্রপতি শ্বাহু শ্বাহাজী মহাৰাষ্ট্ৰৰ কোলপুৰ সমষ্টিৰ কংগ্ৰেছৰ প্ৰাৰ্থী। তেওঁৰ সম্পত্তিৰ পৰিমাণ ৩৪২ কোটি ৮৬ লাখ টকাতকৈও অধিক।
চতুৰ্থবাৰৰ বাবে ধুবুৰীৰ পৰা প্ৰতিদ্বন্দ্বিতা কৰা বদৰুদ্দিন আজমল অসমৰ সকলো প্ৰাৰ্থীৰ ভিতৰত ১৫৫ কোটি টকাৰ সম্পত্তিৰে আটাইতকৈ ধনী প্ৰাৰ্থী। আজমলৰ ২৮.৮৯ কোটি টকাৰ স্থাৱৰ সম্পত্তি আৰু ১২৬.১৭ কোটি টকাৰ অস্থাৱৰ সম্পত্তি আছে।
তৃতীয় পৰ্যায়ৰ ভোটগ্ৰহণত আটাইতকৈ দুখীয়া প্ৰাৰ্থী ইফৰান আবু তালিব চান্দ। তেওঁ মহাৰাষ্ট্ৰৰ কোলপুৰ সমষ্টিৰ পৰা নিৰ্দলীয় প্ৰাৰ্থী হিচাপে প্ৰতিদ্বন্দ্বিতা আগবঢ়াইছে। পেছাত কৃষি শ্ৰমিক ইফৰানৰ সম্পত্তিৰ পৰিমান মাত্ৰ ১০০ টকা। তেওঁৰ পান কাৰ্ডো নাই। ঘৰ নাই, মাটি নাই, আনৰ মাটিত মজুৰি কৰি খায়।
লগতে পঢ়কঃ বিবাহ উপলক্ষে গৈছিল কন্যাকুমাৰীলৈ; সাগৰত উটি গ’ল ৫ গৰাকী চিকিৎসা বিজ্ঞানৰ ছাত্ৰ
ইপিনে, গুজৰাটৰ বোৰদলৈ সমষ্টিৰ বিএছপি প্ৰাৰ্থী ৰেখাবেন হৰছিংভাই চৌধুৰী দ্বিতীয় দৰিদ্ৰ প্ৰাৰ্থী। তেওঁৰ সম্পত্তিৰ পৰিমাণ ২ হাজাৰ টকা। মহাৰাষ্ট্ৰৰ হাটকানানগালৰ পৰা নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰা মনোহৰ প্ৰদীপ সতপুতৰ সম্পত্তিৰ পৰিমানো মাত্ৰ ২০০০ টকা।
