আৰক্ষী বিভাগে পেৰেডেৰে সন্মান জনাই বিদায় দিলে সঞ্চালক প্ৰধান মুকেশ সহায়ক

অসম আৰক্ষীৰ দৰে বৃহৎ বিভাগ এটাৰ মুৰব্বী হিচাপে বিগত তিনি বছৰ গধুৰ দায়িত্ব বহন কৰি অহা ৰাজ্যৰ আৰক্ষী সঞ্চালক প্ৰধান মুকেশ সাহায়ে আজি অৱসৰ গ্ৰহণ কৰে।

এই উদ্দেশ্যে আজি কাহিলিপাৰাস্থিত চতুৰ্থ আৰক্ষী বাহিনীয়ে বিদায়ী পেৰেড আয়োজন কৰে। উল্লেখযোগ্য যে, ১৯৮৪ বৰ্ষৰ আই পি এছ বিষয়াগৰাকীয়ে ২০১৫ চনৰ ১ ডিচেম্বৰত অসম আৰক্ষীৰ শীৰ্ষতম বিষয়া হিচাপে দায়িত্বভাৰ লৈছিল। তদানীন্তন কংগ্ৰেছ চৰকাৰে সহায়ক অসম আৰক্ষীৰ সঞ্চালক প্ৰধান হিচাপে নিযুক্তি দিছিল।

তেওঁ প্ৰাক্তন সঞ্চালক প্ৰধান খগেন শৰ্মাৰ পৰা সেই দায়িত্ব লৈছিল। আনহাতে আজি তেওঁৰ ঠাইত স্থলাভিষিক্ত হৈছে ১৯৮৫ বৰ্ষৰ আই পি এছ বিষয়া তথা ৰাজ্যখনৰ এজন জনপ্ৰিয় গল্প লেখক কুলধৰ শইকীয়াই।

শইকীয়াই ১ মে’ৰ পৰা আৰক্ষী সঞ্চালক প্ৰধান হিচাপে দায়িত্ব চম্ভালিব।