মেঘালয়ৰ উমশ্ব (Umsaw)ত নৰ্থ-ইষ্টাৰ্ন পুলিচ একাডেমিৰ প্ৰশিক্ষাৰ্থীৰ সমাৱৰ্তন অনুষ্ঠান এটাত ভাগ লৈ আজি দেশৰ অভ্যন্তৰীণ চোৰাংচোৱা বিভাগৰ মুৰব্বী ৰাজীৱ জৈনে এখন সভাত উপস্থিত থাকি কয় যে দেশৰ উত্তৰ-পূব অঞ্চলটো বৰ্তমান যথেষ্ট শান্তিপূৰ্ণ অৱস্থাত আছে। তেওঁ সুৰক্ষা তথা সামৰিক বাহিনীৰ লোকসকলক এই শান্তি বৰ্তাই ৰাখিবলৈ আহ্বান জনায়। তেওঁ কয় যে উত্তৰ-পূব অঞ্চলটোত এটা সময়ত বহুত অশান্তি আছিল। কিন্তু সৌভাগ্যক্ৰমে যোৱা কেইটামান বছৰত ইয়ালৈ শান্তি ঘূৰি আহিছে। ‘লাহে লাহে ইয়াৰ মানুহ শান্তিত আগ্ৰহী হৈছে। আৰু এই শান্তি ধৰি ৰখাটো তথা মানুহৰ বিশ্বাস আৰু আস্থা যাতে অটুট থাক সেইটো নিশ্চিত কৰাটো আপোনালোকৰ দায়িত্ব। ইয়াৰ মাজতে বিকাশ লুকাই আছে। চৰকাৰৰ এক্ট ইষ্ট পলিচিৰ পৰিপ্ৰেক্ষিতত পৰিৱৰ্তনৰ দুৱাৰডলিটো আপোনালোকেই আৰু সেয়ে আপোনালোকে ভাল ভূমিকা ল’ব লাগিব।’ এইদৰে কয় বিষয়াজনে। তেওঁ লগতে যুৱ আৰক্ষী বিষয়াসকলক জটিল সময়তো নিজৰ নীতিত থাকিবলৈ, কৰ্তব্যত থকা বা নথকা যিকোনো সময়তে অনুশাসন বৰ্তাই ৰাখিবলৈ, মানুহৰ সৈতে সুসম্পৰ্ক ৰক্ষা কৰিবলৈ পৰামৰ্শ দিয়ে। আৰক্ষীৰ সেৱা সমাজ আৰু জাতিৰ সেৱাৰ বাবে বুলি কৈ জৈনে নতুনকৈ প্ৰশিক্ষণপ্ৰাপ্তসকলক উদ্দেশ্যি কয় যে তেওঁলোকে তেওঁলোকক শিকোৱা সকলো কলাকৌশলৰ সুপ্ৰয়োগ কৰা উচিত আৰু ভুক্তভোগীক সুৰক্ষাৰ বাবে আইনৰ প্ৰয়োগ কৰা উচিত। মুঠ ৩৫ জন প্ৰশিক্ষাৰ্থীয়ে ৪৮ সপ্তাহৰ প্ৰশিক্ষণ সম্পূৰ্ণ কৰে। তাৰ মাজত ১৪ জন আৰক্ষী উপ-অধীক্ষক, য’ত তিনিগৰাকী মহিলাও আছে, ৯জন পৰিদৰ্শক, ৮জন উপপৰিদৰ্শক আৰু ৪ জন জামাদাৰ আছে। এওঁলোকৰ মাজৰ সৰ্বাধিক ২৫জন নাগালেণ্ড, ৬জন মণিপুৰ, ২জন মিজোৰাম আৰু এজনকৈ অৰুণাচল প্ৰদেশ আৰু অন্ধ্ৰপ্ৰদেশৰ।
উত্তৰ-পূৰ্বাঞ্চললৈ এতিয়া শান্তি ঘূৰি আহিছে : চোৰাংচোৱা বিভাগৰ মুৰব্বী ৰাজীৱ জৈন
-
By NE NOW NEWS
- Categories: অসম
Related Content
প্ৰশ্নকাকত ফাদিলৰ ঘটনাৰ উচ্চ পৰ্যায়ৰ তদন্ত কৰকঃ ডি ৱাই এফ আই
By
ৰিনিং লিংডো
September 16, 2024 7:42 pm
এটাও পৰীক্ষা নিকাকৈ পাতিব নোৱাৰে চৰকাৰে! ভাইৰেল হ’ল ১৫ ছেপ্তেম্বৰৰ ADRE ৰ প্ৰশ্নকাকত
By
ৰিনিং লিংডো
September 16, 2024 6:23 pm
মিছামাৰী সামৰিক ষ্টেচনত ডিফেন্স ৰিচাৰ্চ লেবৰেটৰীৰ উদ্যোগত পানী বিশুদ্ধকৰণ প্ৰযুক্তি সন্দৰ্ভত প্ৰশিক্ষণ কাৰ্যসূচী
By
ৰিনিং লিংডো
September 16, 2024 4:38 pm
তালাচীৰ নামত পৰীক্ষাৰ্থীৰ শ্লীলতা হানি সন্দৰ্ভত মানৱ অধিকাৰ আয়োগক অভিযোগ আপৰ
By
ৰিনিং লিংডো
September 16, 2024 3:38 pm
এক দেশ-এক নিৰ্বাচনৰ দ্বাৰা কাৰ কিমান লাভ? কোন দেশত আছে এই আৰ্হি, ভাৰতত প্ৰত্যাহ্বান কি?
By
ৰিনিং লিংডো
September 16, 2024 2:49 pm
স্মাৰ্ট মিটাৰ বন্ধ কৰাৰ দাবীত ছাত্ৰ মুক্তি সংগ্ৰাম সমিতিৰ ৭২ ঘন্টীয়া অনশনৰ সামৰণি
By
ৰিনিং লিংডো
September 16, 2024 1:06 pm