আজি লোৱা এক গুৰুত্বপুৰ্ণ সিদ্ধান্ত মৰ্মে উচ্চমত ন্যায়ালয়ে জনায় যে যিসকল ব্যক্তিৰ নাম এন আৰ চি তালিকাত অহা নাই তেওঁলোকৰ নাম ৰাজহুৱা কৰা নহ’ব, উক্ত ব্যক্তি সকলে নিজৰ নামৰ পৰীক্ষণৰ বাবে এন আৰ চি পৰীক্ষণ কেন্দ্ৰলৈ আহিব লাগিব।
ৰাজ্যৰ আইন-শৃংখলা পৰিস্থিতি বাহাল ৰখাত এই সিদ্ধান্তই সহায় কৰিব বুলি এন আৰ চিৰ সমন্বয়ক প্ৰতীক হাজেলাই উল্লেখ কৰে। উল্লেখযোগ্য যে উক্ত সিদ্ধান্ত বিচাৰি প্ৰতীক হাজেলাই আজি উচ্চমত ন্যায়ালয়ৰ কাষ চাপিছিল।
ইয়াৰ উপৰি হাজেলাই উচ্চমত ন্যায়ালয়ৰ পৰা এন আৰ চি পৰীক্ষণ কেন্দ্ৰত নথি-পত্ৰৰ নিৰিক্ষণৰ অনুমতি বিচাৰে।
ন্যায়াধীশ ৰঞ্জন গগৈ আৰু ন্যায়াধীশ নাৰিমানৰ দুজনীয়া বিচাৰপীঠে উক্ত অনুৰোধ মানি লোৱাৰ লগতে ৩০ জুনৰ ভিতৰত এন আৰ চিৰ সম্পুৰ্ণ তালিকা প্ৰকাশ কৰাৰ বাবে যাৱতিয় পদক্ষেপ লবলৈ আহ্বান জনায়।
