ওদালগুৰি জিলাৰ মাজবাটত এন ডি এফ বি (এছ)ৰ কেডাৰ আটক

অসম আৰক্ষী আৰু সেনাই আজি এক যুটীয়া অভিযান চলাই ওদালগুৰি জিলাৰ মাজবাটতৰ পৰা এন ডি এফ বি (এছ) গোটৰ এজন দুধৰ্ষ কেডাৰ গ্ৰেপ্তাৰ কৰিবলৈ সক্ষম হয়।

আৰক্ষী সূত্ৰই জনোৱা মতে এক বিশেষ সূত্ৰৰ পৰা পোৱা খবৰৰ ভিত্তিত মাজবাটত ওদালগুৰি আৰক্ষী আৰু সেনাই যুটিয়া অভিযান চলাই সংগঠনটোৰ এজন শীৰ্ষ কেডাৰ জনক দৈমাৰী ওৰফে ডি জাংলাব (২৩)ক আটক কৰে।

প্ৰাপ্ত তথ্য মতে ধৃত কেডাৰজন উগ্ৰপন্থি সংগঠনটোৰ ৪২ নং গোটৰ সদস্য। কেডাৰজনৰ কবলৰ পৰা আৰক্ষীয়ে এটা .২২ পিষ্টল আৰু ১২ জাঁই সক্ৰিয় গুলী উদ্ধাৰ কৰে।

ওদালগুৰিৰ এগৰাকী জ্যেষ্ঠ আৰক্ষী বিষয়াই জানিবলৈ দিয়া মতে বি টি চি অঞ্চলৰ ৪ খন জিলাতে উগ্ৰপন্থি সংগঠন সমূহৰ বিৰুদ্ধে তীব্ৰ অভিযান আৰম্ভ কৰাৰ লগতে কেইবাজনো কেডাৰক আটক কৰা হৈছে।