কাইলৈ মুখ্যমন্ত্ৰীয়ে উদ্ধোধন কৰিব নলবাৰীৰ ঐতিহাসিক বৰনৰ্দ্দী যজ্ঞ মহোৎসৱ

নলবাৰীৰ বৰনৰ্দ্দীস্থিত অসমৰ প্ৰাচীনতম ৰাজহুৱা শ্ৰীশ্ৰী মহাবিষ্ণু যজ্ঞধামৰ ৯৬ সংখ্যক যজ্ঞ মহোৎসৱ অহা ৩১ মাৰ্চ শনিবাৰৰ পৰা ৪ এপ্ৰিল বুধবাৰলৈ পাঁচদিনীয়া কাৰ্যসূচীৰে উদযাপনৰ ব্যাপক প্ৰস্তুতি সম্পূৰ্ণ কৰিছে উদ্যোক্তাসকলে ৷

ইয়াৰ বাবে ইতিমধ্যে কৰুণাকান্ত শৰ্মাক সভাপতি আৰু প্ৰদ্যুৎ ডেকাক সম্পাদক হিচাপে লৈ ৯৬সংখ্যক শ্ৰীশ্ৰী মহাবিষ্ণু যজ্ঞ পৰিচালনা সমিতি এখন গঠন কৰা হৈছে। ৩১ মাৰ্চৰ পুৱা ধৰ্মধ্বজাৰ উত্তোলনৰে শ্ৰীশ্ৰী মহাবিষ্ণু যজ্ঞ মহোৎসৱৰ শুভাৰম্ভনি কৰা হ’ব। তাৰ পাছত ক্ৰমে স্মৃতি তৰ্পণ, গছপুলি ৰোপণ কাৰ্যসূচী ৰূপায়ণ কৰা হ’ব ৷

আনহাতে আবেলি ৯৬সংখ্যক শ্ৰীশ্ৰী মহাবিষ্ণু যজ্ঞ মহোৎসৱৰ উদ্ধোধনী অনুষ্ঠান অনুষ্ঠিত হ’ব। মুখ্যমন্ত্ৰী সৰ্বানন্দ সোণোৱালে শ্ৰীশ্ৰী মহাবিষ্ণু যজ্ঞ উদ্ধোধন কৰিব বুলি প্রকাশ কৰিছে উদ্যোক্তাসকলে ৷

উক্ত উদ্ধোধনী অনুষ্ঠানত স্থানীয় বিধায়ক তথা অসম চৰকাৰৰ উদ্যোগ, বাণিজ্য ও পৰিবহন মন্ত্ৰী চন্দ্ৰমোহন পাটোৱাৰী, পঞ্চায়ত আৰু গ্ৰামোন্নয়ন মন্ত্ৰী নৱ কুমাৰ দলে, আছুৰ উপদেষ্টা ড° সমুজ্জ্বল কুমাৰ ভট্টাচাৰ্য, উদ্যোগতি মুকুল ডেকা, বিধায়কদ্বয় অশোক শৰ্মা আৰু নাৰায়ণ ডেকা উপস্থিত থাকিব সন্ধিয়া বন্তি প্ৰজ্বলন আৰু সাংস্কৃতিক সন্ধিয়া অনুষ্ঠিত হ’ব।

যজ্ঞৰ আটাইকেইদিনে ভিন্ন কাৰ্যসূচী অনুষ্ঠিত হ’ব। শ্ৰীশ্ৰী মহাবিষ্ণু যজ্ঞৰ আটাইকেইদিনৰ কাৰ্যসূচীত সমূহ ধৰ্মপ্ৰাণ ৰাইজৰ উপস্থিতি কামনা কৰিছে যজ্ঞ পৰিচালনা সমিতিয়ে।