খানাপাৰাত ৰাজস্ব অনুসন্ধান সঞ্চালকালয়ৰ দ্বাৰা ৯০৮ কেজি ভাং জব্দ

এক গোপন সূত্ৰৰ পম খেদি বুধবাৰে খানাপাৰাত ৰাজস্ব অনুসন্ধান সঞ্চালকালয়ৰ ( Directorate of Revenue Intelligence )  বিষয়াই এখন ট্ৰাকৰ পৰা বৃহৎ পৰিমাণৰ ভাং জব্দ কৰে।  ট্ৰাকখনৰ বডিৰ ওপৰত অস্থায়ীভাৱে নিৰ্মাণ কৰা এটা গোপন কুঠৰিত লুকাই অনা ৪৪টা পেকেটত অনা এই গাঞ্জাখিনি উদ্ধাৰ কৰে। গাঞ্জাকিনিৰ ওজন ৯০৭.৯৫ কেজি বুলি বিষয়াসকলে জানিবলৈ দিছে।

ৰাজস্ব অনুসন্ধান সঞ্চালকালয়ৰ বিষয়াবৰ্গই ট্ৰাকখনৰ চালকদ্বয় ত্ৰিপুৰাৰ ছাথাই মগ আৰু ৰাজেশ চন্দ্ৰ দেবক গ্ৰেপ্তাৰ কৰি ন্যায়িক জিম্মালৈ প্ৰেৰণ কৰা হয়।

প্ৰাথমিক অনুসন্ধানৰ পৰা জানিব পৰা হৈছে যে গাঞ্জাখিনি ত্ৰিপুৰাৰ পৰা বিহাৰলৈ লৈ যোৱাৰ বাবে অনা হৈছিল।

সঞ্চালকালয়ে গুৱাহাটীৰ পৰা অলপতে ১,৫২০ কেজি গাঞ্জা জব্দ কৰিছিল আৰু ইয়াত জড়িত ৪জন লোকক গ্ৰেপ্তাৰ কৰিছিল।

বুধবাৰে ৰাজস্ব অনুসন্ধান সঞ্চালকালয়ৰ বিষয়াই পশ্চিম বংগৰ হালদিয়া বন্দৰত ইউনাইটেড আৰব এমিৰাইটছৰ পৰা ভাৰতলৈ টিছু পেপাৰৰ ৰূপত অনা ১.৫৫ কোটি টকা মূল্যৰ চোৰাং চিগাৰেট জব্দ কৰিছিল।

ভাৰতলৈ ১১০টা কাৰ্টনত ফেচিয়েল টিছু পেপাৰ হিচাপে অনা মুঠ ১৫,৪০,০০০ চিগাৰেট জব্দ কৰিছিল।