ঘৰতে বহি কি উপায়েৰে আপোনাৰ নাম চাব পাৰিব এন আৰ চিত?

বৰ্তমান অসমৰ আটাইতকৈ চৰ্চিত বিষয় এন আৰ চিৰ চূড়ান্ত খচৰা। ৩০ জুলাইত প্ৰকাশ পাব লগা এই খচৰাত আপোনাৰ নাম আছে নে নাই চাব পাৰিব ঘৰৰ পৰাই।

এন আৰ চি প্ৰকাশ পোৱাৰ দিনা অৰ্থাৎ ৩০ জুলাইৰ দুপৰীয়া ১২ বজাৰ পিছত 7899405444 বা 7026321133 বা 7026861122 বা 9765556555 নম্বৰলৈ প্ৰথমে ইংৰাজীত ARN লিখি তাৰ পিছত এটা স্পে’চ এৰি আপোনাৰ এ আৰ এন নম্বৰটো (উদাহৰণস্বৰূপে ARN 123455678) এচ এম এচ কৰি দিলেই আপোনাৰ নাম এন আৰ চিত সোমাইছে নে নাই জনাই এচ এম এচ যাব।

আনহাতে এন আৰ চিত নাম অন্তৰ্ভুক্তিৰ বিষয়ে ৩০ জুলাইত স্বয়ংক্ৰিয় এচ এম এচ পোৱাৰ বাবে আপুনি আগতীয়াকৈ পঞ্জীয়ন কৰাই ৰাখিব পাৰে।

আপুনি যদি আগতীয়াকৈ আপোনাৰ পৰিয়ালৰ এ আৰ এন নম্বৰটো পঞ্জীয়ন কৰি ৰাখে, তেন্তে ৩০ জুলাইত আপোনাৰ ম’বাইললৈ আপোনাৰ নাম অন্তৰ্ভুক্তিৰ বিষয়ে জনাই যাব স্বয়ংক্ৰিয় এচ এম এচ।

7899405444 বা 7026321133 বা 7026861122 বা 9765556555 নম্বৰলৈ প্ৰথমে ইংৰাজীত ARN লিখি তাৰ পিছত এটা স্পে’চ এৰি আপোনাৰ এ আৰ এন নম্বৰটো এচ এম এচ কৰি দিলেই আপোনাৰ পঞ্জীয়ন হৈ যাব। অহা ২৯ জুলাইৰ সন্ধিয়া ৬ বজালৈকে এই আগতীয়া পঞ্জীয়ন মুকলি থাকিব।

আগতীয়া পঞ্জীয়নৰ ব্যৱস্থা ইতিমধ্যে সক্ৰিয় কৰা হৈছে।

তাৰোপৰি www.nrcassam.nic.in বা www.assam.mygov.in বা www.assam.gov.in বা www.homeandpolitical.assam.gov.in এই কেইটা ৱে’ব ছাইটটো আপোনাৰ নাম এন আৰ চিত সোমাইছে নে নাই চাব পাৰিব।

সেইদৰে আপোনাৰ এন আৰ চি সেৱা কেন্দ্ৰটোত গৈ ৩০ জুলাইৰ পৰা অহা ২৮ ছেপ্তেম্বৰলৈকে দিনৰ ১০ৰ পৰা ৪ বজাৰ ভিতৰত গৈ আপোনাৰ নামটো এন আৰ চিত অন্তৰ্ভুক্ত হৈছে নে নাই ছপা খচৰাৰ প্ৰতিলিপিত চাব পাৰিব।

তাৰোপৰি সক্ৰিয় কৰা হৈছে এন আৰ চিৰ নিয়ন্ত্ৰণ কক্ষৰ নম্বৰ| 0361-2463303 এই নম্বৰত আপুনি এন আৰ চি সম্পৰ্কীয় যিকোনো কথাৰ বাবে ফ’ন কৰিব পাৰিব।