চৰাইদেউত চাওঁতালী ভাষা বিজয়ী (জিৎকাৰ মাঁহা) দিৱসৰ আয়োজন
ভাষা-সাহিত্য যেনেদৰে শিক্ষা-দীক্ষা,কলা-সংস্কৃতি,জীৱনধাৰণৰ মানদণ্ড,সমাজৰ প্ৰকৃত প্ৰতিচ্ছবি আৰু পৰিচয়ৰ মাপকাঠি, ঠিক তেনেদৰে কোনো এটা জাতিৰ সাহিত্য-সংস্কৃতি যিমানে উচ্চ খাপৰ হয় সেই জাতিৰ আচৰণ- সভ্যতাও সিমানেই উচ্চ খাপৰ হয় । একেদৰেই পিটাৰ ডব্লিউ স্মিথে চাওঁতাল সকলৰ ভাষাটোৰ দক্ষিণ ভাষাবৰ্গ অষ্ট্ৰিক লেংগুৱেজ গ্ৰুপৰ লগত সম্পৰ্ক নিৰ্ণয় কৰাৰ পিছত ডি,কেম্বেল চাহাবে চাওঁতালী ভাষা ভাৰতৰ অন্যতম পুৰণি ভাষা আৰু অন্যান্য ভাষাৰ লগত তুলনা নহয় বুলি উল্লেখ কৰি চাওঁতালী ভাষাটোৰ মুঠ ৩৫ টা নিজা বৰ্ণমালা থকাৰ কথা উল্লেখ কৰিছে । সকলো বিলাক বিষয় সাঙুৰি কেন্দ্ৰীয় চৰকাৰে যোৱা ২০০৩ চনৰ ২২ ডিচেম্বৰত ভাৰতীয় সংবিধানৰ অষ্টম অনুসূচীত অন্তৰ্ভুক্ত কৰা দিন ধৰি চাওঁতালী সকলে উক্ত দিনটোক চিৰস্মৰণীয় কৰি ৰখাৰ মানসেৰে ভাৰতবৰ্ষৰ বিভিন্ন প্ৰান্তৰ লগত সংগতি ৰাখি ‘সদৌ অসম আদিবাসী ছাত্ৰ সন্থা (AASAA)ৰ’ উদ্যোগত আগন্তুক ২২ ডিচেম্বৰ তাৰিখে উজনি অসমৰ চৰাইদেউ জিলাৰ বৰহাট নগাকটা ৰাজহুৱা খেলপথাৰত ১৫ তম্ চাওঁতালী ভাষা বিজয়ী(জিৎকাৰ মাহাঁ) দিৱস উদযাপন কৰিবলৈ লোৱা হৈছে বুলি উদ্যোক্তাসকলে সংবাদ মাধ্যমক জানিবলৈ দিয়াৰ লগতে জাতি-ধৰ্ম-বৰ্ণ নিৰ্বিশেষে সকলো ৰাইজক উপস্থিত থাকি অনুষ্ঠানতো সাফল্যমণ্ডিত কৰি তুলিবলৈ ৰাইজক আহ্বান জনাইছে ।