যুক্তৰাষ্ট্ৰৰ ছিয়াটলস্থিত উডলেণ্ড পাৰ্ক জু’ৰ এটা বিশেষ প্ৰদৰ্শনীৰ নাম আছাম ৰাইনো ৰিজাৰ্ভ ৰখা হৈছে। ইয়াত তাজ নামৰ এটা এশিঙীয়া মতা গঁড় প্ৰদৰ্শন কৰা হ’ব।
এই প্ৰদৰ্শনীখন মে’ মাহৰ ৫ তাৰিখে মুকলি কৰা হ’ব আৰু চিৰিয়াখানাখনৰ১১৮ বছৰীয়া ইতিহাসত ৯২ একৰৰ সংৰক্ষণ প্ৰতিষ্ঠানটোত প্ৰথমবাৰৰ বাবে গঁড় প্ৰদৰ্শন কৰা হ’ব।
তাজ অৰ্থাৎ মুকুট নামৰ এশিঙীয়া গঁড়টো ২০১৬ চনৰ ১০ নৱেম্বৰত ছান ডিয়েগো ছাফাৰি পাৰ্কত জন্ম লাভ কৰিছিল। এই গঁড়টো ১৯৭২ চনৰ পৰা ছাফাৰি পাৰ্কখনত জন্ম লাভ কৰা ৭০ সংখ্যক বৃহত্তৰ এশিঙীয়া গঁড়। ইয়ে পাৰ্কখনক বিশ্বৰ ভিতৰতে এইটো জাতৰ গঁড়ৰ আগশাৰিৰ প্ৰজনন ক্ষেত্ৰৰ মৰ্যাদা প্ৰদান কৰিছে।
আছাম ৰাইনো পাৰ্কৰ গঠন সম্ভৱ হৈছে ব্যক্তি, পৰিয়াল, নিগম আৰু সংস্থাসমূহৰ লগতে ছিয়াটল পাৰ্ক জিলাৰ পৰা অহা বৰঙণিৰ দ্বাৰা। তাৰোপৰি, গঁড়ৰ প্ৰতিপালন, সংৰক্ষণ আৰু প্ৰৱেশৰ বাবে পৰিচালনামূলক ধনৰাশি নিয়মিতভাৱে গ্ৰহণ কৰি থকা হ’ব।
ভাৰতীয় গঁড় হিচাপে জনাজাত বৃহত্তৰ এশিঙীয়া গঁড় হৈছে আফ্ৰিকাৰ বগা গঁড়তকৈহে সৰু। ইয়াৰ একমাত্ৰ খড়্গটো ৮ ৰ পৰা ২৫ ইঞ্চিলৈকে দীঘল হয়। ইয়াৰ ছাই-মটীয়া বৰণৰ খাঁজ থকা ছালখনে ইয়াক বৰ্মধাৰী আকাৰ প্ৰদান কৰে।
আছাম ৰাইনো ৰিজাৰ্ভত এছিয়াৰ মটীয়া কাছ, ডেম্ৱাজেল ক্ৰেন (demoiselle crane) প্ৰদৰ্শন কৰা হ’ব। বন্যজীৱৰ বেআইনী সৰবৰাহ সমস্যাৰ বিখ্যাত প্ৰতীক হৈ পৰিছে গঁড়। এই প্ৰদৰ্শনীখনত চোৰাং চিকাৰৰ প্ৰভাৱ, বন্যজীৱৰ বেআইনী ব্যৱসায় আৰু কাছ বিলুপ্তিৰ সমস্যাৰ ওপৰত জোৰ দিয়া হ’ব।ড়
আন্তঃজাতিক গঁড় প্ৰতিষ্ঠানৰ মতে গঁড়ৰ সংখ্যা প্ৰায় ৩,৬০০লৈকে বৃদ্ধি পাইছে।
