‘ভাৰত-বাংলাদেশৰ সম্বন্ধ সৰ্বশ্ৰেষ্ঠ পৰ্য্যায়ত আছে। দুয়োখন দেশৰ মাজৰ সম্পৰ্কই আজিৰ তাৰিখতে আটাইতকৈ ভাল অৱস্থান লৈছে।‘ এই কথা আজি অকপটে স্বীকাৰ কৰিলে বাংলাদেশৰ পৰিয়াল কল্যাণ মন্ত্ৰী মহমদ নাছিমে। আজি আগৰতলাত অনুষ্ঠিত ‘বিজয় দিৱস’ত ভাগ লৈ ত্ৰিপুৰা-বাংলাদেশ সীমান্তৰ আখুৰা ইণ্টিগ্ৰেটেড চে’ক পোষ্টৰ জিৰ’ পইণ্টত মন্ত্ৰীজনে ভাৰত আৰু বাংলাদেশৰ সাংবাদিসকলৰ সৈতে মত বিনিময় কৰোতে এই গুৰুত্বপূৰ্ণ মন্তব্যটো কৰে। তেওঁ বাংলাদেশৰ স্বাধীনতা লাভত ভাৰতৰ অবিস্মৰণীয় বৰঙনিৰ বিষয়ে সুঁৱৰি কয়, ‘ভাৰত আৰু ইয়াৰ কোটি কোটি জনসাধাৰণৰ নিচৰ্ত সহায়ৰ ফলত বাংলাদেশে আজিৰ দিনটোতে ১৯৭১ চনত বিজয় লাভ কৰিছিল। বাংলাদেশৰ জাতিৰ পিতা বংগবন্ধুৰ নেতৃত্বত চলা স্বাধীনতা যুঁজত তদান্তীন ভাৰতৰ প্ৰধান মন্ত্ৰী ইন্দিৰা গান্ধী, তেওঁৰ চৰকাৰ, ভাৰতীয় সেনা আৰু ভাৰতীয় জনসাধাৰণে আমাক আশ্ৰয়, খাদ্য আনকি তেজ পৰ্য্যন্ত দি আমাৰ স্বাধীনতা লাভত সহায় কৰিছিল। আমি আৰু আমাৰ মানুহে সেই কথা কেতিয়াও পাহৰিব নোৱাৰে।‘ তেওঁ আৰু লগতে কয় যে ভাৰতলৈ আহি, বিশেষকৈ ত্ৰিপুৰালৈ আহি তেওঁ অত্যন্ত সুখী আৰু এতিয়া ভাৰত আৰু বাংলাদেশৰ জনসাধাৰণৰ মাজত এটা স্বাভাৱিক সম্পৰ্কই গঢ় লৈ উঠিছে আৰু দিন যোৱাৰ লগে লগে এই সম্পৰ্ক আৰু দৃঢ় হৈ গৈ থাকিব। মন্ত্ৰীজনে দুয়োখন দেশৰ চৰকাৰে একেলগে কাম কৰি থকা বুলি কৈ কয় যে দুয়োখন দেশৰ বৰ্তমানৰ চৰকাৰ দুখনে কিছুমান চুক্তিত উপনীত হৈছে আৰু মোদী আৰু শ্বেইখ হাছিনা চৰকাৰৰ দিনত দ্বিপাক্ষিক বাণিজ্য সম্পৰ্কৰ উন্নতি হৈছে। আমি এতিয়া শক্তি, যাতায়াত আৰু অন্যান্য খণ্ডত একেলগে কাম কৰি আছো। আটাইতকৈ ডাঙৰ সমস্যা আছিল সীমান্তৰ সমস্যাটো, যিটো সীমা চুক্তিৰ দ্বাৰা সমাধা কৰা হ’ল। তেওঁ এই পৰিৱৰ্তনবোৰৰ বাবেই দুয়োখন দেশৰ সম্পৰ্ক এতিয়া সৰ্বোত্তম হৈ আছে বুলি মত প্ৰকাশ কৰা বুলি কয়।
দুয়োখন দেশৰ মাজৰ সম্পৰ্ক এতিয়া সৰ্বশ্ৰেষ্ঠ পৰ্য্যায়ত আছে : বাংলাদেশৰ সমাজ কল্যাণ মন্ত্ৰী
-
By NE NOW NEWS
- Categories: বাংলাদেশ
Related Content
জুলিয়েন কোঁৱৰৰ শতকেৰে বাংলাদেশৰ ১৫ বছৰ অনুৰ্ধৰ স্ক’ৰ অতিক্ৰম অসমৰ অনুৰ্ধ ১৬ দলৰ
By
এন ই নাও নিউজ
April 30, 2024 11:22 am
বঙাইগাঁৱত আটক দুজন বাংলাদেশী নাগৰিক
By
এন ই নাও নিউজ
April 28, 2024 8:31 am
বাংলাদেশৰ ৰাজধানী ঢাকাৰ শ্বপিং মলত ভয়াৱহ অগ্নিকাণ্ড; জীৱন্তে অগ্নিদগ্ধ হৈ ৪৪ জনৰ মৃত্যু
By
এন ই নাও নিউজ
March 1, 2024 8:18 am
ম্যানমাৰত ৰোহিংগীয়াসকলক জোৰ কৰি সামৰিক বাহিনীত ভৰ্তি হ’বলৈ বাধ্য কৰাইছে জুন্টা চৰকাৰে
By
এন ই নাও নিউজ
February 27, 2024 2:21 pm
U19 World Cup: যুৱ বিশ্বকাপৰ আৰম্ভণিতে বৃহৎ জয় ভাৰতৰ; ৮৪ ৰানত পৰাস্ত কৰিলে বাংলাদেশক
By
এন ই নাও নিউজ
January 21, 2024 8:37 am
ঘন কুঁৱলীৰ বাবে গুৱাহাটীত নোৱাৰিলে; ঢাকাত জৰুৰীকালীন অৱতৰণ ইণ্ডিগ’ৰ বিমান
By
এন ই নাও নিউজ
January 13, 2024 1:17 pm