দৰঙত গাঞ্জাসহ তিনি ব্যক্তিক আটক

ৰাজ্যখনত  ক্ৰমান্বয়ে নিচাযুক্ত সামগ্ৰীৰ অবাধ বেহা বৃদ্ধি পাই অহাৰ সময়তে দৰং জিলাৰ ধূলা আৰক্ষীয়ে এক গোপন সূত্ৰৰ পম খেদি যোৱা নিশা ১৫ নং ৰাষ্ট্ৰীয় ঘাই পথত অতৰ্কিতে এক তালাচী অভিযান চলাই তিনি কেজি গাঞ্জাসহ তিনিজন ব্যক্তিক আটক কৰে। আটকাধীন ব্যক্তি  কেইজন ক্ৰমে দলগাঁও থানাৰ অন্তৰ্গত  বেছিমাৰীৰ গোলাম ৰাব্বানি, আমছেৰ আলি আৰু আব্দুল হান্নান বুলি আৰক্ষীয়ে জানিবলৈ দিছে।  এন ডি পি এছ আইনৰ ধাৰা ২২ ৰ অধীনত ধুলা থানাত ৫০৬/১৭ নম্বৰত এক গোচৰ ৰুজু কৰি তিনি অভিযুক্তক আদালতৰ জৰিয়তে ন্যায়িক জিম্মালৈ আজি প্ৰেৰণ কৰে। আনহাতে আৰক্ষীয়ে উক্ত গাঞ্জা সৰবৰাহকাৰী কেইজনৰ পৰা  এ এছ ১৩ জি ৫৬৬২ নম্বৰৰ এখন মাৰুতি এল্টো গাড়ীও জব্দ কৰে।