সমগ্ৰ ভাৰততে ধাৰাবাহিক ভাৱে সংঘটিত হোৱা ধৰ্ষণ, নাৰী নিৰ্যাতন, হাত্যা কাণ্ডৰ বিৰুদ্ধে মাণিকপুৰ নিখিল ভাৰত গণতান্ত্ৰিক মহিলা সমিতিয়ে তীব্ৰ প্ৰতিবাদ সাব্যস্ত কৰে।
জানিব পৰা মতে যোৱা ২৪ এপ্ৰিলত বঙাইগাঁও জিলাৰ মাণিকপুৰ বজাৰ গৃহত নিখিল ভাৰত গণতান্ত্ৰিক মহিলা সমিতিৰ মাণিকপুৰ আঞ্চলিক সমিতিৰ উদ্যোগত ১১ বজাৰ পৰা ১.৩০ বজালৈ আঢ়ৈ ঘন্টীয়া অৱস্থান ধৰ্মঘট কাৰ্য্যসূচী ৰূপায়ন কৰে।
অৱস্থান ধৰ্মঘট কাৰ্যসূচীৰ পিছত মাণিকপুৰৰ ৰাজপথত এক প্ৰতিবাদী সমদল উলিয়াই বিজেপি নেতৃত্বাধীন কেন্দ্ৰীয় আৰু ৰাজ্য চৰকাৰক ব্যৰ্থ চৰকাৰ আখ্যা দি ধৰ্ষণকাৰীৰ বাবে কঠোৰ আইন প্ৰনয়ন কৰক, ধৰ্ষণ কাৰীক ফাঁচী দিয়ক, নাৰী নিৰ্যাতন বন্ধ কৰক, ধৰ্ষণ কাৰীৰ বিৰুদ্ধে সকলো ৰাইজ ঐক্যবদ্ধ হওঁক, মুখত বেটি বচাও হলে নহ’ব নাৰী সুৰক্ষা ব্যৱস্থা অন্তৰেৰে গ্ৰহন কৰক, নাৰীৰ মৰ্যদা ৰক্ষা কৰক আদি শ্লোগান দি উত্তাল প্ৰতিবাদ সাব্যস্ত কৰে।
প্ৰতিবাদ কাৰ্যসূচীত নিখিল ভাৰত গণতান্ত্ৰিক মহিলা সমিতিৰ বঙাইগাঁও জিলা সমিতিৰ সম্পাদিকা ভদ্ৰা বতি ৰায়, চিপিআই এমৰ জিলা সমিতিৰ নেতা ৰবিন দাস আৰু মাণিকপুৰ আঞ্চলিক সমিতিৰ সম্পাদক তৰণ ৰায়ৰ লগতে শতাধিক ৰাইজ উপস্থিত থাকে।
