ৰাজ্যখনত ক্ৰমাৎ বাঢ়ি অহা হাতী-মানুহৰ সংঘাতে চাৰিওফালে এক অন্য ৰূপ ধাৰণ কৰিছে। বনৰীয়া হাতীৰ দ্বাৰা ক্ষতিগ্ৰস্ত মানুহৰ খং-ক্ষোভ কেৱল হাতীৰ ওপৰতেই নহয়, বনবিভাগৰ মানুহৰ ওপৰতো হৈছেগৈ। ফলত কেতিয়াবা কেৱল বনৰীয়া হাতীকে নহয়, বন বিভাগৰ মানুহৰ ওপৰতো জনসাধাৰণ লোক খৰ্গহস্ত হয়। তেনে এটা ঘটনাই ঘটিছিল নগাওঁ জিলাৰ কন্দলি অঞ্চলত। জানিব পৰামতে কালি দুপৰীয়া খাদ্যৰ সন্ধানত জনাঞ্চললৈ নামি অহা ১৫০ টা মান বনৰীয়া হাতীৰ পালক খেদিবলৈ যোৱা বনকৰ্মীক একাংশ লোকে প্ৰহাৰ কৰি আহত কৰে। উক্ত ঘটনা সন্দৰ্ভত আজি নগাওঁ আৰক্ষীয়ে এগৰাকী মহিলা সহ চাৰিজন লোকক গ্ৰেপ্তাৰ কৰে। ধৃত লোককেইজন ননৈ আৰক্ষী চকীৰ অন্তৰ্গত ছোটকন্দলী অঞ্চলৰ সোমেশ্বৰ দৈমাৰী, ৰানুমাই দৈমাৰী, সঞ্জয় মিলিক আৰু সঞ্জয় টেৰন বুলি জানিব পৰা গৈছে। স্থানীয় ৰাইজে জনোৱা মতে, নগাঁৱৰ কন্দলি, চাপানলা, বালিজুৰি, কলিয়াবৰ আদি অঞ্চলত যোৱা বহুদিনৰ পৰা বনৰীয়া হাতীয়ে চলাই অহা তাণ্ডৱত অঞ্চলবাসী আতংকিত হৈ আহিছে। এই সন্দৰ্ভত ভুক্তভোগী ৰাইজে বন বিভাগক বাৰম্বাৰ অৱগত কৰি অহাৰ পিছতো বন বিভাগে কোনো ধৰণৰ পদক্ষেপ লোৱা নাছিল। ইয়াৰ ফলত স্থানীয় ৰাইজ ক্ষুভিত হৈ আছিল। আনহাতে কালিও বনৰীয়া হাতীৰ পাল কন্দলি অঞ্চললৈ অহাৰ খবৰ লাভ কৰি বনবিভাগৰ কৰ্মীয়ে অঞ্চলটোত উপস্থিত হয়। কিন্তু পূৰ্বৰে পৰা বন বিভাগৰ ওপৰত ক্ষুভিত স্থানীয় একাংশ উত্তেজিত লোকে কালি বনৰীয়া হাতী খেদিবলৈ যোৱা বনকৰ্মীকে আক্ৰমণৰ লক্ষ্য কৰি লয়। উত্তেজিত লোকৰ আক্ৰমণত কবীন মহন্ত, গুলকান্ত হাজৰিকা, ৰূপজ্যোতি বৰা নামৰ বনকৰ্মী কেইজন আহত হোৱাৰ লগতে আলী হুছেইন নামৰ এজন বনকৰ্মী গুৰুতৰভাৱে আহত হোৱাত সম্প্ৰতি চিকিৎসাধীন হৈ আছে। ঘটনা সন্দৰ্ভত কালিয়েই নগাঁও জিলা বন সংমণ্ডল বিষয়াই ননৈ আৰক্ষীচকীত এজাহাৰ দাখিল কৰিছিল। এই এজাহাৰ ভিত্তিত আৰক্ষীয়ে আজি অভিযান চালাই উল্লিখিত চাৰিজন লোকক গ্ৰেপ্তাৰ কৰিবলৈ সক্ষম হয়। উক্ত ঘটনাৰ খবৰ লাভ কৰি আজি পুৱা বনমন্ত্ৰী প্ৰমীলাৰাণী ব্ৰহ্মই নগাঁৱলৈ আহি নগাওঁ ভোগেশ্বৰী ফুকননী অসামৰিক চিকিৎসালয়লত চিকিৎসাধীন হৈ থকা আলী হুছেইন নামৰ বনকৰ্মীৰ স্বাস্থ্যৰ বুজ লোৱাৰ লগতে ঘটনা সন্দৰ্ভত বনবিভাগৰ বিষয়া কৰ্মচাৰীৰ লগত আলোচনাত মিলিত হয়। আনহাতে বনমন্ত্ৰী গৰাকীয়ে কালিৰ ঘটনা সন্দৰ্ভত উপযুক্ত ব্যৱস্থা গ্ৰহণ কৰা হব বুলিও মন্তব্য কৰে।
নগাঁৱৰ বনকৰ্মীক আক্ৰমণৰ ঘটনাৰ সৈতে জড়িত ৪ জনক গ্ৰেপ্তাৰ
-
By NE NOW NEWS
- Categories: অসম
Related Content
নিৰ্বাচনৰ আগত ধন বিলাই হাতে-লোটে ধৰা পৰিল ইউ পি পি এলৰ নেত্ৰী, আৰক্ষীয়ে জব্দ কৰিলে টকাৰ বাণ্ডিল
By
এন ই নাও নিউজ ব্যুৰো
May 7, 2024 5:52 pm
অনবদ্য মেডোনা, ব্ৰাজিলৰ কোপাকাবানাত অনুষ্ঠিত হোৱা কনচাৰ্ট উপভোগ কৰিলে ১৬ লাখ দৰ্শকে!
By
এন ই নাও নিউজ ব্যুৰো
May 7, 2024 2:18 pm
আজিৰ নিৰ্বাচনত অৱতীৰ্ণ আটাইতকৈ ধনী প্ৰাৰ্থী ১৩৬১কোটিৰ গৰাকী! তৃতীয় স্থানত শিৱাজীৰ বংশধৰ
By
এন ই নাও নিউজ ব্যুৰো
May 7, 2024 12:08 pm
দিনৰ ১১ বজালৈ অসমৰ চাৰিটা লোকসভা সমষ্টিত ২৭.৩৪% ভোটগ্ৰহণ,বৰ্তমানলৈ সৰ্বোচ্চ কোকৰাঝাৰত,সৰ্বনিম্ন গুৱাহাটীত
By
এন ই নাও নিউজ ব্যুৰো
May 7, 2024 12:05 pm
বিবাহ উপলক্ষে গৈছিল কন্যাকুমাৰীলৈ; সাগৰত উটি গ’ল ৫ গৰাকী চিকিৎসা বিজ্ঞানৰ ছাত্ৰ
By
এন ই নাও নিউজ ব্যুৰো
May 7, 2024 10:40 am
গান্ধী-নেহৰুৱে ভবা নাছিল যে তেওঁলোককো দেশদ্ৰোহী বুলি কোৱা হ’ব: ৰায়েবেৰেলীত সৰৱ প্ৰিয়ংকা গান্ধী
By
এন ই নাও নিউজ ব্যুৰো
May 7, 2024 9:48 am