আলোচনাপন্থী আলফাই আজি এটা স্পষ্ট স্থিতি প্ৰদৰ্শন কৰি কয় যে তেওঁলোক নাগৰিক সংশোধনী বিধেয়কৰ বিৰোধী। ‘আমি অসমৰ জনসাধাৰণৰ সৈতে আছো। আৰু আমি নাগৰিকত্ব সংশোধনী বিধেয়ক সমৰ্থন নকৰো।’ এইদৰে স্পষ্ট ভাষাৰে কয় আলফাৰ সভাপতি অৰবিন্দ ৰাজখোৱাই। অৰবিন্দ ৰাজখোৱা আৰু তেওঁৰ সতীৰ্থসকলে আজি নতুন দিল্লীত সংবাদ মাধ্যমৰ আগত এই সন্দৰ্ভত তেওঁলোকৰ স্থিতি বেকত কৰে। আলফাৰ প্ৰতিনিধিকেইজনে কেন্দ্ৰৰ মধ্যস্থতাকাৰী দীনেশ্বৰ শৰ্মাৰ সৈতে যোৱা শুকুৰবাৰে আলোচনাত ভাগ ল’বলৈ নতুন দিল্লীলৈ গৈছিল। সাংবাদিকৰ আগত তেওঁলোকে কয় যে তেওঁলোকৰ দাবীৰ অলপো সলনি নহয়। তেওঁলোকৰ দাবীবোৰৰ ভিতৰত আছে, অসমক ইয়াৰ সম্পদৰ ওপৰত অধিক অধিকাৰ প্ৰদান কৰিবৰ বাবে সংবিধান সংশোধন, ৰাজহ উৎপাদন, পৰিকল্পনা প্ৰক্ৰিয়াত অংশ গ্ৰহণ, এক নিৰাপদ জনগাঁথনিৰ পৰিৱেশ, ভাৰসাম্যপূৰ্ণ বিকাশ নিশ্চিত কৰা। আলফা নেতা কেইজনে কোৱা মতে তেওঁলোকে ২০১৯ চনৰ পূৰ্বেই শান্তি চুক্তি স্বাক্ষৰ হোৱাটো আশা কৰি আছে। তেওঁলোকে আলোচনা সঠিক দিশত যোৱা বুলিও কয়। সভাপতি অৰবিন্দ ৰাজখোৱাই কয় যে তেওঁলোকে অসমৰ সকলো লোকে কৰাৰ দৰেই নাগা চুক্তিৰ কিছুমান দিশৰ বিৰোধিতা কৰে। শনিবাৰৰ সংবাদমেলখনত সভাপতি ৰাজখোৱাৰ লগতে অনুপ চেতিয়া, মিথিংগা দৈমাৰী আৰু প্ৰদীপ গগৈও আছিল।
নতুন দিল্লীত নাগৰিকত্ব সংশোধনী বিল ২০১৬ ৰ বিৰোধিতা আলফাৰ
-
By NE NOW NEWS
- Categories: অসম
Related Content
নিৰ্বাচনৰ আগত ধন বিলাই হাতে-লোটে ধৰা পৰিল ইউ পি পি এলৰ নেত্ৰী, আৰক্ষীয়ে জব্দ কৰিলে টকাৰ বাণ্ডিল
By
এন ই নাও নিউজ
May 7, 2024 5:52 pm
অনবদ্য মেডোনা, ব্ৰাজিলৰ কোপাকাবানাত অনুষ্ঠিত হোৱা কনচাৰ্ট উপভোগ কৰিলে ১৬ লাখ দৰ্শকে!
By
এন ই নাও নিউজ
May 7, 2024 2:18 pm
আজিৰ নিৰ্বাচনত অৱতীৰ্ণ আটাইতকৈ ধনী প্ৰাৰ্থী ১৩৬১কোটিৰ গৰাকী! তৃতীয় স্থানত শিৱাজীৰ বংশধৰ
By
এন ই নাও নিউজ
May 7, 2024 12:08 pm
দিনৰ ১১ বজালৈ অসমৰ চাৰিটা লোকসভা সমষ্টিত ২৭.৩৪% ভোটগ্ৰহণ,বৰ্তমানলৈ সৰ্বোচ্চ কোকৰাঝাৰত,সৰ্বনিম্ন গুৱাহাটীত
By
এন ই নাও নিউজ
May 7, 2024 12:05 pm
বিবাহ উপলক্ষে গৈছিল কন্যাকুমাৰীলৈ; সাগৰত উটি গ’ল ৫ গৰাকী চিকিৎসা বিজ্ঞানৰ ছাত্ৰ
By
এন ই নাও নিউজ
May 7, 2024 10:40 am
গান্ধী-নেহৰুৱে ভবা নাছিল যে তেওঁলোককো দেশদ্ৰোহী বুলি কোৱা হ’ব: ৰায়েবেৰেলীত সৰৱ প্ৰিয়ংকা গান্ধী
By
এন ই নাও নিউজ
May 7, 2024 9:48 am