কাৰ্বি আংলঙৰ ডকমকাত ‘সোপাধৰা’ৰ সন্দেহত ৰাইজে মৰিয়াই মৰা নীলোৎপল-অভিজিতৰ হত্যাৰ ন্যায় বিচাৰি বৰপেটা জিলাৰ কয়াকুছি বজাৰ তিনিআলিত আজি ১৯ জুনৰ সন্ধিয়া ৬-৩০ বজাত মৌন প্ৰতিবাদ আৰু শ্ৰদ্ধাঞ্জলি জনাই বিভিন্ন সংগঠন, অনুষ্ঠানে।
কয়াকুছি সমন্বয় সাহিত্য গোষ্ঠী, কয়াকুছি শাখা সাহিত্য সভা, শংকৰ -আজান ৰুৰেল ডিভেলপমেন্ট ছ’চাইটী, মাছৰ (MASS) বৰপেটা জিলা সমিতি, কয়াকুছি মহাবিদ্যালয়ৰ এন এচ এচ গোট, স্বপ্না মহিলা সমিতি, আমছুৰ কয়াকুছি আঞ্চলিক সমিতি আৰু আউডছুৰ বৰপেটা জিলা সমিতিৰ উদ্যোগত এই মৌন প্ৰতিবাদ আৰু শ্ৰদ্ধাঞ্জলি অনুষ্ঠান আয়োজিত হৈছিল।
সমন্বয়ৰ মুখ্য সম্পাদক ছাহেদ আলী আহমেদ, সাহিত্য সভাৰ ছিদ্দিকুৰ ৰহমান, শংকৰ-আজানৰ আব্দুল জলিল, আমছুৰ মহম্মদ তোতা মিয়া, এন এচ এচৰ হান্নান আলী আহমেদ, স্বপ্নাৰ মমতাজ জাহান তালুকদাৰ, আউডছুৰ ৰহিম বাদশা, বাওঁপন্থী নেতা পিয়াৰুল ইছলাম, আপৰ ফাৰুক খান, ষ্টুডেন্টচ বুক ষ্টলৰ মোস্বাৰফ হুছেইনকে আদি কৰি বহু গণ্য-মান্য ব্যক্তি অনুষ্ঠানটোত উপস্থিত আছিল।
