প্ৰস্তাৱিত গ্ৰেটাৰ নাগালিমৰ বিৰুদ্ধে নিউ হাফলঙত ৰে’ল অৱৰোধ

গ্ৰেটাৰ নাগালিমত পাৰ্বত্য ডিমা হাচাও জিলাৰ বৃহৎ ভূখণ্ড অন্তৰ্ভুক্ত কৰাৰ লগতে ছেপ্ৰস্তাৱিত টেলাইট কাউন্সিল গঠনৰ প্ৰতিবাদত মঙ্গলবাৰে নিউ হাফলঙত ৰে’ল অৱৰোধ কৰে ডিমা হাচাওৰ অন্তৰ্গত সংগঠনসমূহৰ সমন্বয় সমিতিয়ে ( All Apex Body Coordination Committee)।

অৱৰোধ কাৰ্যসূচীত জিলাৰ বিভিন্ন প্ৰান্তৰ কেইবা শতাধিক ৰাইজ গোট খায়। অৱৰোধকাৰী সকলে কয় যে আমি নগাৰ বিৰুদ্ধে নহয়। আমাৰ আন্দোলন নাগালিমত পাহাৰীয়া ডিমা হাচাও জিলাৰ ভূমি অন্তৰ্ভুক্ত কৰাৰ বিষয়টোলৈহে। কোনো কাৰণতেই পাৰ্বত্য জিলাৰ এক ইঞ্চি ভূমিও এৰি দিয়া নহ’ব।

উল্লেখ্য যে মঙ্গলবাৰৰ ৰে’ল অৱৰোধ কাৰ্যসূচীত ডিমা হাচাও জিলা কংগ্ৰেছ সভাপতি নিৰ্মল  অৱৰোধস্থলীত উপস্থিত হৈ বিজেপি চৰকাৰক তীব্ৰ ভাষাৰে সমালোচনা কৰি নাগা চুক্তি ৰাজহুৱা কৰাৰ দাবী জনায়।

অবশ্যে নিউ হাফলঙৰ লগতে মাইবাঙতো ৰে’ল অৱৰোধ কৰা হয়। কিন্তু অৱৰোধৰ কাৰণে লামডিঙৰ পৰা আজি এখনো ট্ৰেইন চলোৱা হোৱা নাই। এনে পৰিস্থিতিত যাত্ৰী সকল হাৰাশাস্তিত ভুগিব লগা হৈছে। কিন্ত সম্পূৰ্ণ শান্তিপূৰ্ণভৱে ৰে’ল অৱৰোধ কাৰ্যসূচী পালন কৰা হৈছে। আনহাতে নিউ হাফলঙত কটকটীয়া কৰি তোলা হৈছে নিৰাপত্তা ব্যৱস্থা।

প্ৰশাসনৰ ফালৰ পৰা অতিৰিক্ত জিলা উপায়ুক্ত ভাস্কৰ দেৱশৰ্মা অৱৰোধস্থলীত উপস্থিত হৈছে।

অবশ্যে দু’ঘন্টা পাছত এঘাৰটা বজাত প্ৰশাসনৰ আহ্বানত সহাঁৰি জনাই আন্দোলনকাৰীসকলে অৱৰোধ কাৰ্যসূচী প্ৰত্যাহাৰ কৰে।