খাতুন নামৰ এক চলচিত্ৰত অভিনয়েৰে অভিনেত্ৰী, মডেল ৰেৱতী ছেত্ৰী বলিউদত আত্মপ্ৰকাশৰ বাবে প্ৰস্তুত হৈছে। চিনেমাখন ১৯৬২ ৰ ভাৰত-চীন যুদ্ধৰ এগৰাকী সাহসী ভাৰতীয় সেনাৰ প্ৰেম কাহিনী আধাৰিত। চিনেমাখনৰ নায়ক হ’ব জয় হ’ খ্যাত সণ্টুচ শুক্লা যাৰ বাবেও এইখন হ’ব প্ৰথম বলিউদ চিনেমা। হাফলঙৰ মৰম লগা ৰেৱতী ছেত্ৰীয়ে চিনেমাখনত তেওঁৰ প্ৰেমিকাৰ চৰিত্ৰত অভিনয় কৰিব। উল্লেখযোগ্য যে পূৰ্বে ছেত্ৰীয়ে ফেমিনা মিছ ইণ্ডিয়া ২০১৫ত অংশ গ্ৰহণ কৰি ফাইনেলত উপনীত হৈছিল। তাৰোপৰি বেইজিঙত হোৱা ৱৰ্ল্ড মিছ ইউনিভাৰ্চিটি ২০১৬ টো তেওঁ মিছ এচিয়া মুকুটেৰে বিভূষিতা হৈছিল। অৰুণাচল প্ৰদেশৰ টাৱাং চীনৰ দখলত থকাৰ সময়ৰ ওপৰত আধাৰিত চিনেমাখনৰ প্ৰযোজক অনিতা আৰু উৎকৰ্চ আগৰৱাল। ২০১৮ চনত মুক্তি পাব লগা চিনেমাখনৰ পৰিচালক ৰাম ৰমেশ শৰ্মা।
