বাক্সা জিলাৰ মুছলপুৰ আৰক্ষী থানাৰ অন্তৰ্গত পমুৱা পথাৰত আজি এটা উচ্চ ক্ষমতা সম্পন্ন বিদ্যুৎ পৰিবাহী টাৱাৰ ভাগি পৰাৰ ফলত তিনিজনকৈ শ্ৰমিক গুৰুতৰভাবে আহত হয়।
প্ৰাপ্ত তথ্য মতে আচাম ইলেকট্ৰিচিটি গ্ৰীড কৰ্পোৰেচন নামৰ এটা কোম্পেনিৱে ২০১২ চনৰ পৰা ৰাজ্যখনত চলাই আহিছিল উচ্চ বিদ্যুৎ পৰিবাহী বিদ্যুতৰ তাঁৰৰ সংযোগ।
ফলত আজি এই টাৱাৰত বিদ্যুতৰ তাঁৰ সংযোগ কৰি থকা সময়ত বাক্সাৰ পমুৱা পথাৰত এটা টাৱাৰ হঠাৎ ভাগি পৰে।
যাৰ ফলত নিৰ্মাণকাৰ্যৰ লগত জড়িত তিনিজলকৈ শ্ৰমিক গুৰুতৰভাৱে আহত হয়। আহত শ্ৰমকি কেইজনৰ নাম শ্বহিদুল ইছলাম, মজিদ হক আৰু মজিবুৰ আলি বুলি জানিব পৰা গৈছে।
ইফালে গুৰুতৰভাৱে আঘাতপ্ৰাপ্ত শ্ৰমিককেইজনক ততাতৈয়াকৈ মুছলপুৰ অসামৰিক চিকিৎসালয়লৈ নিয়া হয় যদিও ইয়াৰে মজিদ হক আৰু মজিবুৰ আলিৰ অৱস্থা সংকটজনক হোৱাত গুৱাহাটীলৈ প্ৰেৰণ কৰা হয় বুলি জানিব পৰা গৈছে।
ঘটনা সংঘটিত হোৱাৰ পিছতে ঘটনাস্থলীত আৰক্ষী উপস্থিত হৈ পৰিস্থিতিৰ বুজ লয়। আনহাতে স্থানীয় লোকে নিম্নমানৰ সামগ্ৰীৰে টাৱাৰ নিৰ্মাণ কৰা বাবে এই ঘটনা সংঘটিত হ’বলৈ পালে বুলি জানিবলৈ দিয়ে।
