বােকাখাতত বাংকে মিচিং আগম কেবাঙৰ উদ্যোগত কৃতী ছাত্র-ছাত্রীক অভিনন্দন আৰু কবিতা পাঠ অনুষ্ঠান
বােকাখাত পুৱতি সাহিত্য সভা ভৱনত আজি বােকাখাত বাংকে মিচিং আগম কেবাঙৰ ৰূপালী জয়ন্তী বর্ষৰ এক বিশেষ অনুষ্ঠান উদযাপিত হয়। এই উপলক্ষে বােকাখাত মহকুমাৰ উচ্চ মাধ্যমিক আৰু উচ্চতৰ মাধ্যমিক পৰীক্ষাত উৎকৃষ্ট ফ’ল আৰু ক্রীড়াত বিশেষ সফলতা দেখুওৱা কৃতী ছাত্র-ছাত্রীক অভিনন্দন জনােৱাৰ লগতে এক কবিতা পাঠ অনুষ্ঠান অনুষ্ঠিত হয়।
বােকাখাত মিচিং বাংকে আগম কেবাঙৰ স্থায়ী সভাপতি মিনতি দলেৰ পৌৰহিত্যত অনুষ্ঠিত এই সভাত উদ্দেশ্য বাখ্যা কৰে সংগঠনটোৰ সম্পাদক ধর্মিন্দৰ দলেই। অনুষ্ঠানত মুখ্য অতিথি হিচাপে উপস্থিত থাকি বিশিষ্ট লেখিকা অন্নদা শইকীয়াই কৃতী ছাত্র-ছাত্রীক উদ্দেশ্যি ভাষণ প্রদান কৰাৰ লগতে এটা স্বৰচিত কবিতাও পাঠ কৰে।
অনুষ্ঠানটোত জেষ্ঠ সাংবাদিক ভৱানন্দ কলিতা, পুৱতি সাহিত্য সভাৰ সভাপতি অপূর্ব বৰদলৈ, লেখিকা নিজৰা বৰঠাকুৰ, গােবিন দলে, সর্বেশ্বৰ লইং, কনক মৰাং, ফুলেশ্বৰী পেগু পাংগিং, গকুল দাও, মুহিৰাম লইং, গীতাঞ্জলি কলিতা, কনক দলে আৰু তৰুণ দলে বিশিষ্ট অতিথি হিচাপে উপস্থিত আছিল।
কবিতা পাঠ অনুষ্ঠানত ৰােণান্ডাে টাইড, মনালিচা শইকীয়া, তৰুণ তীর্থ শইকীয়া, মধু পেগু, বিজু পেগু, ভৰত কুটুম, তপন কুটুম, মণি কান্ত কুটুম, প্রভু কুটুম, মঞ্জু চাৰহ, চন্দ্র মােহন চাৰহ, কাংকান-দীপ কুটুম আদিয়ে স্বৰচিত কবিতা পাঠ কৰে ৷
তদুপৰি উচ্চ মাধ্যমিক আৰু উচ্চতৰ মাধ্যমিকৰ চুড়ান্ত পৰীক্ষাত ষ্টাৰ, ডিষ্টিংচন প্রাপ্ত মুঠ চৈধ্য গৰাকী মিচিং কৃতী ছাত্র-ছাত্রী তথা তেজপুৰ বিহগুৰিত সদৌ অসম ভিত্তিত অনুষ্ঠিত মল্লযুঁজৰ প্ৰতিযােগিতাত পদক লাভ কৰিবলৈ সক্ষম হােৱা বাৰ গৰাকী মল্ল যুজাঁৰুৰ লগতে প্রশিক্ষক অনুষ্টুপ নৰহক বােকাখাত বাংকে মিচিং আগম কেবাঙৰ তৰফৰ পৰা অভিনন্দন জনােৱা হয়।
অভিনন্দন অনুষ্ঠান পৰিচালনা কৰে বিমল দলে আৰু কমল পাটগিৰিয়ে। সভাৰ শেষত সম্পাদক ধর্মিন্দৰ দলেই শলাগৰ শৰাই আগবঢ়ায় ৷