বিভিন্ন কাৰ্যসূচীৰ মাজেৰে শোণিতপুৰ-মাজুলীত উদযাপন ‘ৰাভা দিৱস’
মাজুলী : আজি কলাগুৰু বিষ্ণুপ্ৰসাদ ৰাভাৰ ৪৯ সংখ্যক পূণ্য মৃত্যু তিথি ৷ কৰ্ম, কৃষ্টি, সংস্কৃতি, সংগীতৰ পূজাৰী জনদৰদী এই গৰাকী মহান বীৰ পুৰুষৰ প্ৰতি শ্ৰদ্ধা জনাই মাজুলীৰ বিভিন্ন স্থানত পালন কৰা হৈছে ‘ৰাভা দিৱস’ ।
সাহিত্যিক, নাট্যকাৰ, সংগীতজ্ঞ, নৃত্যবিদ, চিত্ৰকৰ, অভিনেতা, মুক্তি যুঁজাৰু কালাগুৰু বিষ্ণুপ্ৰসাদ ৰাভাৰ মৃত্যু দিৱস উপলক্ষে মাজুলী আউনিআটী হেমচন্দ্ৰদেৱ গোস্বামী উচ্চতৰ মাধ্যমিক বিদ্যালয়’ত ‘ৰাভা দিৱস’ উদযাপন কৰে।
কাৰ্য্যসূচীটোত বৃক্ষৰোপন, বন্তি প্ৰজ্বলন, ছাত্ৰ-ছাত্ৰীৰ মাজত কুইজ প্ৰতিযোগিতা, ছাত্ৰ-ছাত্ৰী সকলৰ বৌদ্ধিক বিকাশ তথা সামাজিক ক্ষেত্ৰত সজাগতাৰ অৰ্থে মুকলি সভা তথা বঁটা বিতৰণী সভা অনুস্থিত হয় ।
শোণিতপুৰ : ইফালে শোণিতপুৰ জিলাৰো বিভিন্ন প্ৰান্তত বিভিন্ন কাৰ্যসূচীৰে পালন কৰা হয় ৰাভা দিৱস। ৰাভা দিৱসৰ লগত সংগতি ৰাখি ৰঙাপৰা আঞ্চলিক ছাত্ৰ সন্থা আৰু অসম সেনাৰ উদ্যোগত শোনিতপুৰৰ চাৰিদুৱাৰত এক সমন্বয় যাত্ৰাৰ আয়োজন কৰে।
শোণিতপুৰৰ বিভিন্ন জাতি জনগোষ্ঠিয়ে অংশগ্ৰহণ কৰা এই যাত্ৰাত কলাগুৰু বিষ্ণু ৰাভাৰ প্ৰতিচ্ছবি লৈ বিভিন্ন দল সংগঠন আৰু স্থানীয় ৰাইজৰ সহযোগত ক্ষুদ্ৰ ভাৰত খ্যাত চাৰিদুৱাৰ পৰা বিষ্ণুৰাভাৰ প্ৰতিচ্ছবি লৈ বিভিন্ন দল সংগঠন আৰু স্থানীয় ৰাইজৰ সহযোগত এই সমন্বয় যাত্ৰাৰ আয়োজন কৰে।
চাৰিদুৱাৰ চেন্টাৰৰ পৰা আৰাম্ভ কৰা এই সমন্বয় শোভাযাত্ৰাত অঞ্চলটোৰ সকলো গাঁও ভ্ৰমন কৰে আৰু সকলোৱে তেওঁৰ প্ৰতিচ্ছবিত শ্ৰদ্ধাঞ্জলী জ্ঞাপন কৰে।