বৃহস্পতিবাৰৰ পৰা দুদিনীয়াকৈ বিশ্বনাথ চাৰিআলিৰ “চেম্পিয়নছ মেকাৰ একাডেমী”ত অনুষ্ঠিত হোৱা টাই কোৱান-ডোৰ প্ৰশিক্ষণ শিবিৰৰ শুকুৰবাৰে সফল সামৰণি পৰে।
ৰাষ্ট্ৰীয় পৰ্যায়ত অতি কম সময়ৰ ভিতৰত সফলতা অৰ্জন কৰিবলৈ সক্ষম হোৱা উক্ত প্ৰতিষ্ঠানত যোৱা দুদিনৰ পৰা বিশ্বনাথ জিলাৰ অন্তগৰ্ত বিভিন্ন স্থানৰ পৰা নিৰ্বাচিত কৰা খেলুৱৈ সকলক অসমৰ জ্যেষ্ঠ অভিজ্ঞতা সম্পন্ন সমৰকলাবিদ পাৰ্থ প্ৰতিম হাজৰিকাৰ দ্বাৰা প্ৰশিক্ষণ দিয়া হয় |
শুকুৰবাৰে এই সফল সামৰণি অনুষ্ঠানত বিশ্বনাথৰ কেইবাজনো বিশিষ্ট অতিথি আৰু প্ৰশিক্ষণত অংশগ্ৰহণ কৰা প্ৰশিক্ষাৰ্থী সকলৰ অভিভাৱকসকল উপস্থিত থাকে |
অনুষ্ঠানৰ সামৰণিত যোৱা দুদিন ধৰি প্ৰশিক্ষণ গ্ৰহণ কৰা প্ৰশিক্ষাৰ্থীসকলক বিশ্বনাথ চাৰিআলি, বিহালী আৰু গহপুৰৰ কেইবাগৰাকী আমন্ত্ৰিত যুৱনেতা আৰু সাংবাদিকৰ উপস্থিতিত একোখনকৈ প্ৰমান পত্ৰ প্ৰদান কৰা হয় ৷
ক্ৰীড়াৰ বিকাশৰ ক্ষেত্ৰত বিশ্বনাথ অঞ্চলত অগ্ৰনী ভূমিকা গ্ৰহণ কৰি অহা বিশ্বনাথ জিলা টাই কোৱানডো সন্থাৰ এনে প্ৰচেষ্টাৰ শলাগ লৈছে ৰাইজে।
অসমত সমৰকলাৰ প্ৰশিক্ষণৰ ক্ষেত্ৰত উপযুক্ত আন্ত:গাঁথনিৰ প্ৰয়োজনীয়তা নুই কৰিব নোৱাৰি যদিও এনেধৰণৰ প্ৰচেষ্টাই এই ক্ৰীড়া বিধক নতুন প্ৰজন্মৰ মাজত জনপ্ৰিয় কৰি তোলাৰ বাবে অৰিহনা যোগাব বুলি ৰাইজে মত ব্যক্ত কৰে।
