মাজুলীৰ ঔডুবি অঞ্চলৰ দলনিত পৰি পহুৰ মৃত্যু

জৈৱ বৈচিত্ৰ্যৰ অন্যতম থলী নদী দ্বীপ মাজুলীত সংঘটিত হল এক শোকাৱহ ঘটনা। দলনিত পৰি অকাল মৃত্যুক সাৱতিলে এটি ছাগলি পহুয়ে। এই কৰুণ ঘটনাতো সংঘটিত হয় মাজুলীৰ ঔডুবি অঞ্চলত।

জানিব পৰা মতে আজি পুৱাই লোকালয়ত প্ৰৱেশ কৰা এটা ছাগলী পহুয়ে দিক বিদিক হেৰুৱাই ঔডুবিৰ ডলনিত সোমায়গৈ। জনচক্ষুৰ আতৰত দলনিত পৰা পহুটোৱে উঠি আহিব নোৱাৰি কৰুণ মৃত্যুক সাৱতিব লগা হয়।

পিছত স্থানীয় লোকে পহুটো এইদৰে মৃত অৱস্থাত দলনিত পৰি থকা দেখি বনগাঁও আৰক্ষী চকীত খবৰ দিয়ে। ঘটনাস্থলীত আৰক্ষী উপস্থিত হৈ মৃৎ পহুটো আৰক্ষী চকীলৈ আনি মৰনোত্তোৰ ব্যৱস্থা কৰে।

উল্লেখ্য যে জনবিস্ফোৰণৰ ফলতেই ক্ৰমাৎ হ্ৰাস পাই অহা বনাঞ্চলৰ বাবে বনৰীয়া জীৱ জন্তু সমুহৰ বাসোপযোগী ঠাইৰ অভাৱ ঘটা পৰিলক্ষিত হৈছে। বহু সময়ত লোকালয়ত প্ৰৱেশ কৰা বনৰীয়া জীৱ জন্তু সমুহ অনাকাংক্ষীত পৰিৱেশৰ সন্মুখীন হৈ মৃত্যুক আকোৱালি ল’বলগীয়া হয়।