সদৌ অসম মৰীয়া যুৱ ছাত্ৰ সন্থাৰ কলিয়াবৰ জিলা সমিতিৰ লাচিত দিৱস উপলক্ষে ৰক্তদান শিবিৰ

নগাৱঁৰ ভোগেশ্বৰী ফুকননী অসামৰিক চিকিৎসালয়ৰ সহযোগত সদৌ অসম মৰিয়া যুৱ ছাত্ৰ সন্থা কলিয়াবৰ জিলা সমিতিৰ উদ্যোগত শ্বহীদ ভৱনত আয়োজিত হোৱা লাচিত দিৱসৰ লগত সংগতি ৰাখি ৰক্তদান শিবিৰ অনুষ্ঠিত কৰে। এই ৰক্ত দান শিবিৰৰ আৰম্ভণিতে মহাবীৰ লাচিত বৰফুকন আৰু বাঘ হাজৰিকা ওৰফে ইছমাইল ছিদ্দিকিৰ দৰে মহান লোক সকলক শ্ৰদ্ধাঞ্জলি জ্ঞাপন কৰাৰ লগতে বন্তি প্ৰজ্বলন কৰা হয় । এই অনুষ্ঠানত বিশিষ্ট ব্যক্তি হিচাপে উপস্থিত থাকে  সদৌ অসম ছাত্ৰ সন্থাৰ উপসভাপতি মণি মাধৱ মহন্তৰ লগতে অমৃত বল্লভ গোস্বামী। সভাত বক্তৱ্য প্ৰদান কৰি  মণি মাধৱ মহন্তই এই মহৎ কামৰ শলাগ লোৱাৰ লগতে ‘ৰক্তদান জীৱন দান’ এই মানসেৰে  মহৎ কামৰ  অংশীদাৰ হ’বলৈ পাই সুখী অনুভৱ কৰাৰ লগতে নিজেও ৰক্তদান কৰিব বুলি আশ্বাস দিয়ে। সদৌ অসম মৰীয়া যুৱ সন্থাৰ কলিয়াবৰ জিলা সমিতিৰ বহু সংখ্যক কৰ্মীৰ লগতে কলিয়াবৰৰ জ্যেষ্ঠ সাংবাদিক তথা DY365 ৰ স্থানীয় সংবাদদাতা অমূল্য বৰাইও ৰক্তদান কৰে ।

https://youtu.be/P_rtI7Qr8Jg