সংবাদ মাধ্যমৰ বাতৰিত প্ৰকাশ যে হাৰিয়ানাৰ হিছাৰত থকা ম’হৰ বিষয়ৰ কেন্দ্ৰীয় গৱেষণাগাৰত দেশখনৰ প্ৰথমটো অসমীয়া ম’হ পোৱালিৰ জন্ম হয়।
মাত্ৰ কেইদিনমান পূৰ্বে গৱেষণা প্ৰতিষ্ঠানটোৰ তৰফৰ পৰা প্ৰকাশ কৰা হৈছে যে যোৱা বছৰৰ ডিচেম্বৰৰ ২ তাৰিখে এই ক্লোন ম’হ পোৱালিটোৰ জন্ম হৈছে।
বিশেষজ্ঞসকলৰ মতে, ‘সচ্ছ গৌৰৱ’ নামৰ এই ম’হ পোৱালিটো ‘একক পদ্ধতি’ত ক্ল’ন কৰা হৈছিল আৰু মুৰাহ ম’হৰ গৰ্ভত স্থাপন কৰি স্বাভাৱিকভাৱে জন্ম দিয়া হৈছিল।
গৱেষণা প্ৰতিষ্ঠানটোৰ বিশেষজ্ঞসকলে জনাইছে যে হিছাৰত অৱস্থিত উচ্চ প্ৰযুক্তিসম্পন্ন দুগ্ধ পামখনত থকা ক্ল’নিং গৱেষণাগাৰটোৰ পৰা প্ৰায় ১০০ কি: মি: দূৰত এখন মুকলি পথাৰত এই ম’হ পোৱালিটোৰ জন্ম হয়।
উল্লেখ্য যে অসমীয়া জাতৰ ম’হ কেবল উত্তৰ-পূৰ্বাঞ্চলতহে পোৱা যায় । চেণ্ট্ৰেল ইন্সটিটিউট ফৰ ৰিছাৰ্চ অন বাফেল’ (চি আই আৰ বি) প্ৰতিষ্ঠানটোৱে ম’হৰ সকলো জাতৰে উন্নত জন্তুবোৰক সংৰক্ষণ কৰাৰ এক উদ্যোগ গ্ৰহণ কৰিছে।
ক্ল’নিং পদ্ধতিৰে জন্ম দিয়া অসমীয়া ম’হটো জন্মৰ সময়ত ৫৪.২ কে: জি: আছিল আৰু সকলো ফালৰ পৰা স্বাভাৱিক আছিল।
বিজ্ঞানীসকলৰ মতে মাইক্ৰছেটেলাইট বিশ্লেষণ আৰু ক্ৰম’জ’ম বিশ্লেষণৰ দ্বাৰা ম’হ পোৱালিটোৰ জীনীয় গঠন নিশ্চিত কৰা গৈছিল।
