এশিঙীয়া গঁডৰ বাবে পৃথিৱীবিখ্যাত অসমৰ কাজিৰঙা ৰাষ্ট্ৰীয় অভায়ৰণ্যত চলিত মাহৰ ২৫ তাৰিখৰ পৰা আৰম্ভ হ’ব গঁডৰ পিয়ল কাৰ্য।উল্লেখ্য যে এই পিয়লৰ সমাপ্তি ঘটিব ২৮ মাৰ্চত।
অসমৰ বন বিভাগ আৰু কেইবাটাও স্বীকৃতিপ্ৰাপ্ত স্বেচ্ছাসেৱী সংগঠনে ২০১৫ চনত চলোৱা পিয়ল অনুসৰি কাজিৰঙা ৰাষ্ট্ৰীয় অভায়ৰণ্যত গঁডৰ সংখ্যা আছিল ২,৪০১ টা। ইয়াৰ ভিতৰত ১,৬৫১টা প্ৰাপ্তবয়স্ক, ২৯৪টা উপ-বয়স্ক, ২৫১ টা কিশোৰ আৰু ২০৫ টা পোৱালি গঁড আছিল।
কিন্তু বিগত সময়ছোৱাত ৰাষ্ট্ৰীয় অভায়ৰণ্যত চোৰাং চিকাৰীয়ে চলোৱা তাণ্ডৱৰ ফলত গঁডৰ সংখ্যা যথেষ্ট হ্ৰাস পোৱাৰ আশংকা প্ৰকাশ কৰিছে প্ৰকৃতিপ্ৰেমী সংগঠনসমূহে।
উল্লেখ্য যে এই গঁডৰ পিয়লৰ বাবে কাজিৰঙা ৰাষ্ট্ৰীয় অভায়ৰণ্যত ২৬ ৰ পৰা ২৮ মাৰ্চলৈ পৰ্যটকৰ বাবে হাতী ছাফাৰী বন্ধ থাকিব বুলি সদৰী কৰিছে অভায়ৰণ্যখনৰ কৰ্তৃপক্ষই।
আনহাতে কহৰা, বাগৰি, বুঢ়াপাহাৰ ৰেঞ্জ ২৬ মাৰ্চত আৰু ২৭ মাৰ্চত আগৰতলী ৰেঞ্জ বন্ধ থাকিব বুলি প্ৰকাশ কৰিছে কাজিৰঙা ৰাষ্ট্ৰীয় অভায়ৰণ্যৰ কৰ্তৃপক্ষই।
উল্লেখ্য যে বহু পূৰ্বেই এশিঙীয়া গঁডৰ বিচৰণভূমি হিচাপে খ্যাত কাজিৰঙা ৰাষ্ট্ৰীয় অভায়ৰণ্যক ইউনেস্ক’ই বিশ্ব ঐতিহ্য ক্ষেত্ৰৰ তালিকাভুক্ত কৰিছে।
