কেঞ্চাৰ মানেই যেন এক ত্ৰাসৰ বিষয়। এফালে ৰোগৰ কষ্ট, জীৱন মৃত্যুৰে যুদ্ধ। আনফালে বিপুল পৰিমাণৰ খৰচ।
বিশ্বৰ প্ৰায় সকলো দেশতে এই কৰ্কট ৰোগত আক্ৰান্ত লোকৰ সংখ্যা বাঢ়িছে। বহুতো বিজ্ঞানীয়ে ইয়াৰ পৰা পৰিত্ৰাণ পোৱাৰ উপায় বিচাৰি বিশ্বৰ বিভিন্ন প্ৰান্তত অহৰহ গৱেষণা কৰি আছে।
কিন্তু ভাৰ্জিনিয়াৰ এখন চহৰৰ এগৰাকী ১৪ বছৰীয়া কিশোৰে কৰ্কট ৰোগ নিৰাময়ৰ বাবে বিচাৰি উলিয়াইছে এক নতুন সমাধান।
কিশোৰগৰাকীৰ এই আৱিষ্কাৰত বিজ্ঞানীসকলো আচৰিত হৈ পৰিছে। ছালৰ কৰ্কট ৰোগ নিৰাময় কৰিবলৈ এইজন কিশোৰে উদ্ভাৱন কৰিছে এবিধ বিশেষ চাবোন।
এই যুগান্তকাৰী ঔষধ আৱিস্কাৰ কৰা কিশোৰগৰাকী হৈছে ভাৰ্জিনিয়াৰ এনাণ্ডেলৰ বাসিন্দা হেমান বেকলেই।
বিজ্ঞানী মহলে হেমেনৰ এই আৱিষ্কাৰক স্বীকৃতি দিয়াই নহয়, আমেৰিকাৰ অন্যতম শীৰ্ষ যুৱ বিজ্ঞানী হিচাপে নিৰ্বাচিত কৰিছে।
শেহতীয়াকৈ হেমেনে 3M নামৰ আমেৰিকান কোম্পানী এটাৰ পৰা বিশেষ স্বীকৃতি লাভ কৰিছে। বিশ্বাস কৰা হৈছে যে কেৱল ৰোগ নিৰাময় হোৱাই নহয়, চিকিৎসাৰ খৰচো বহু পৰিমাণে হ্ৰাস পাব এই চাবোনৰ পৰা।
জানিব পৰা মতে, সেই চাবোন প্ৰস্তুত কৰিবলৈ খৰচ হ’ব ০.৫০ ডলাৰ অৰ্থাৎ ভাৰতীয় মুদ্ৰাত প্ৰায় ৪০ টকা ।
মন কৰিবলগীয়া যে আমেৰিকাৰ দৰে উন্নত দেশত ছালৰ কৰ্কট ৰোগৰ প্ৰাদুৰ্ভাৱ বহু পৰিমাণে বৃদ্ধি পাইছে। কেৱল ২০২০ চনত সমগ্ৰ বিশ্বতে ১.৫ লাখ লোক এই ৰোগত আক্ৰান্ত হৈছিল। গতিকে জ্ঞাত মহলে বেকেলৰ এই আৱিষ্কাৰৰ বিশেষ গুৰুত্ব আছে বুলি ভাবে।
