যোৱা ২২ এপ্ৰিলত জম্মু-কাশ্মীৰৰ পেহেলগামত সংঘটিত সন্ত্ৰাসবাদী আক্ৰমণত ২৬ জন লোক নিহত হৈছিল। ইয়াৰ পিছত দিল্লীত কেইবাখনো বৈঠক অনুষ্ঠিত হয়। লগতে প্ৰতিশোধমূলক আক্ৰমণ বিচাৰিছিল দেশবাসীয়ে।
দেশবাসীয়ে যি বিচাৰে সেয়া হ’ব বুলি দুই-তিনি দিন পূৰ্বে আশ্বাস দিছিল দেশৰ প্ৰতিৰক্ষা মন্ত্ৰীগৰাকীয়ে। পেহেলগাম কাণ্ডৰ প্ৰতিশোধ ল’বলৈ প্ৰধানমন্ত্ৰীয়ে তিনিওটা সেনাক যিকোনো ধৰণৰ অভিযান চলাবলৈ সম্পূৰ্ণ স্বাধীনতা প্ৰদান কৰিছিল।
ঘটনাৰ ১৫ দিনৰ পাছত ভাৰতে এই আক্ৰমণৰ প্ৰতিশোধ লয়। পাকিস্তান আৰু পাকিস্তান অধীকৃত কাশ্মীৰ (POK)ৰ সন্ত্ৰাসবাদী ঘাটিত আক্ৰমণ চলাই জৈছৰ মুখ্য কাৰ্যালয় আৰু মাদ্ৰাছা ধ্বংস কৰা হয়। লগতে প্ৰাণ ৯০ টা পাক সন্ত্ৰাসবাদীক হত্যা কৰা হয়।এনে পৰিস্থিতিত পাকিস্তানী সেনাই নিৰীহ লোকক হত্যা কৰে। কাশ্মীৰৰ নিৰীহ, নিৰস্ত্ৰ গাঁওবাসীৰ ওপৰত বুধবাৰে নিশাৰে পৰা পাকিস্তানে অব্যাহত ৰাখিছে আক্ৰমণ। এই আক্ৰমণত কমেও ১০ জন লোকৰ মৃত্যু হোৱা বুলি জানিব পৰা গৈছে।
