মণিপুৰৰ কুকি-জো জনগোষ্ঠীৰ দহজন বিধায়কে পুনৰ সুকীয়া ৰাজ্য প্ৰশাসনৰ দাবী উত্থাপন কৰিছে। সোমবাৰে তেওঁলোকে দেশৰ প্ৰধানমন্ত্ৰী নৰেন্দ্ৰ মোডীলৈ এখন পত্ৰ লিখিছে। এই জনগোষ্ঠীৰ বিধায়কসকলে যোৱা বছৰো একে দাবী উত্থাপন কৰিছিল। যোৱা বছৰৰ মে’ মাহৰ পৰা মণিপুৰত গোষ্ঠীগত সংঘাতৰ বাবে দুশৰো অধিক লোকে প্ৰাণ হেৰুৱাইছে। এতিয়াও প্ৰায় ৫০ হাজাৰ লোক গৃহহীন হৈ আছে।
২০২৪ চনতো ম্যানমাৰৰ সীমান্তৱৰ্তী মণিপুৰৰ বিশাল অঞ্চলত নতুন সংঘাত আৰম্ভ হৈছে। চলিত বৰ্ষত নিৰাপত্তাৰক্ষীৰ সৈতে হোৱা সংঘৰ্ষত কমেও ২০ জন লোকৰ মৃত্যু হৈছে।
কুকি-জোৰ বিধায়কসকলে শেহতীয়াকৈ উগ্ৰ মেইটেই গোট আৰামবাই টেংগলৰ কাৰ্যকলাপৰ সমালোচনা কৰে। মেইটেইৰ বিধায়ক আৰু সংসদ সদস্যসকলে ২৪ জানুৱাৰীত বাধ্যতামূলকভাৱে বৈঠকত হাজিৰ হোৱাৰ বাবে দিয়া নিৰ্দেশক ‘ভাৰতীয় সংবিধান সম্পূৰ্ণৰূপে উলংঘা’ৰ ইংগিত বুলি অভিহিত কৰে।
লগতে পঢ়কঃ ইন্দ্ৰাণী মুখাৰ্জীয়ে সঁচাকৈয়ে হত্যা কৰিছিল নে নিজ কন্যা শ্বীনা বৰাক? নেটফ্লিক্সত খোল খাব ৰহস্যৰ!
প্ৰধানমন্ত্ৰীলৈ লিখা পত্ৰত কুকি-জোৰ বিধায়কসকলে লিখিছে, ‘ৰাজধানী ইম্ফলত আইন-শৃংখলা সম্পূৰ্ণৰূপে ভাঙি গৈছে। আৰামবাই টেংগোলৰ এই তালিবান সদৃশ কাণ্ড (মেইটেই সমাজৰ জ্যেষ্ঠ ৰাজনৈতিক নেতা, বিধায়ক, সাংসদক মাতি আনি ৰাজহুৱা ভাবুকি দিয়া) মণিপুৰ উপত্যকাত ভাৰতৰ সংবিধান সম্পূৰ্ণ ভাঙি পৰাৰ প্ৰকাশ। আৰামবাই টেংগোলৰ নিৰ্দেশ মানি চলিবলৈ বাধ্য হৈছে ৰাজ্য চৰকাৰ। গণতান্ত্ৰিকভাৱে নিৰ্বাচিত চৰকাৰৰ উপস্থিতিৰ পিছতো সশস্ত্ৰ উগ্ৰপন্থীয়ে পথ দখল কৰাৰ ঘটনা স্বাধীন ভাৰতত অভূতপূৰ্ব। গতিকে এই জটিল সন্ধিক্ষণত বিকল্প ৰাজনৈতিক সমাধানৰ প্ৰয়োজনীয়তা জৰুৰী।‘
উল্লেখ্য যে মণিপুৰৰ কুকিসকলে মেইটেই জনগোষ্ঠীৰ ৰাজনৈতিক নেতাক মাতি আনি অপমান কৰা বিষয়টোক লৈ এখন সভা আহ্বান কৰে। সেই বৈঠকতে প্ৰধানমন্ত্ৰীলৈ লিখা পত্ৰখন চূড়ান্ত হৈছিল। ইম্ফলৰ মাজমজিয়াত থকা কাংলা দুৰ্গৰ ভিতৰত অনুষ্ঠিত হোৱা বৈঠকত কেন্দ্ৰীয় বৈদেশিক পৰিক্ৰমা ৰাজ্যিক মন্ত্ৰী ৰাজকুমাৰ ৰঞ্জন সিঙে সকলো বিধায়ক আৰু সাংসদসহ অংশগ্ৰহণ কৰে। সমগ্ৰ কাংলা গড়ক কেন্দ্ৰ কৰি চৰকাৰে বৃহৎ নিৰাপত্তাৰ ব্যৱস্থা কৰিছিল।
লগতে পঢ়কঃ বোৱাৰীয়েকৰ মেকআপ লুকুৱাই ব্যৱহাৰ কৰে শাহুৱে; পুত্ৰৰ পৰা বিবাহ বিচ্ছেদ বিচাৰিলে পত্নীয়ে
জানিব পৰা গৈছিল যে এই বৈঠকত কমেও তিনিগৰাকী মেইটেই বিধায়কক নিৰ্যাতন চলোৱা হৈছিল।
