তিমী কিম্বা কাছ, সাধাৰণতে এইধৰণৰ প্ৰাণীয়েই ১০০ বছৰৰ অধিক দিন বাঁচি থকা দেখা যায়।
কিন্তু সম্প্ৰতি পোৱা গৈছে এটা বৃহদাকাৰৰ ১০০ বছৰীয়া মাছ!
শুনিবলৈ আজৱ লাগিলেও আমেৰিকাত ধৰা পৰিছে এই দুষ্প্ৰাপ্য মাছটো।
ইতিমধ্যে সামাজিক মাধ্যমত ভাইৰেল হৈ পৰিছে মাছটো ছৱি।
এটা আন্তঃৰাষ্ট্ৰীয় সংবাদমাধ্যমত প্ৰকাশিত বাতৰি অনুযায়ী, মাৰ্কিন যুক্তৰাষ্ট্ৰৰ মৎস্য আৰু বন্যপ্ৰাণী সেৱা বিভাগৰ কেইজনমান কৰ্মীয়ে ডেট্ৰইট চহৰৰ দক্ষিণ অঞ্চলৰ এখন নদীত মাছটো পায়।
মাছটোৰ ওজন ১০৮ কেজি আৰু দীঘলে প্ৰায় সাত ফুট, বহলে ৪ ফুট।
মাছটোৰ নাম তেওঁলোকে “real life river monster” ৰাখিছে।
উল্লেখযোগ্য যে সেই নদীখনত গৱেষকসকলে গৱেষণা কৰিবৰ বাবে মাছকে ধৰি জলজ প্ৰাণীসমূহ ধৰাৰ বাদে আন লোকসকলৰ বাবে ই নিষিদ্ধ, কাৰণ তাত অনেক বিৰল প্ৰজাতিৰ জলজ প্ৰাণীয়ে বাস কৰে।
সেইবাবে কৰ্মীসকলে মাছটো ধৰাৰ পাছতে এৰি দিয়ে।
অৱশ্যে মাছটোৰ লগত তেওঁলোকে ফটো তুলি আনন্দ লয়।
পাছত সামাজিক মাধ্যমত মাছটোৰ ছৱি প’ষ্ট কৰা হয়।
A once in a lifetime catch for our Detroit River native species crew last week! This real life river monster was tipping…
Posted by Alpena Fish and Wildlife Conservation Office on Friday, 30 April 2021
প’ষ্টটোত কোৱা হয় যে মাছটো ষ্টাৰ্জন (sturgeon) প্ৰজাতিৰ স্ত্ৰী মাছ আৰু ১৯২০ চনৰ পৰা ই বাঁচি আছে।
