দেশত কৰ’নাৰ তৃতীয় ঢৌৱে আতংক সৃষ্টি কৰাৰ মাজতে এইবাৰ ইটালীৰ পৰা পঞ্জাৱৰ অমৃতসৰত অৱতৰণ কৰা এখন চাৰ্টাৰ্ড বিমানৰ ১২৫গৰাকী যাত্ৰীৰ দেহত ধৰা পৰিছে কৰ’নাভাইৰাছৰ সংক্ৰমণ।
কৰ’না পজিটিভ আটাইকে আইছ’লেশ্যনত ৰখাৰ ব্যৱস্থা কৰা হৈছে। এই ঘটনাক লৈ বিমানবন্দৰৰ কৰ্মচাৰী আৰু আৰক্ষীৰ মাজত কিছু উত্তপ্ত পৰিস্থিতিৰো সৃষ্টি হয়।
বাতৰি অনুসৰি, বিমানখনৰ যাত্ৰীসকলে দাবী কৰা মতে তেওঁলোকে ইটালীৰ পৰা বিমানত আৰোহন কৰাৰ পূৰ্বে কৰা পৰীক্ষাত তেওঁলোকৰ ৰিপ’ৰ্ট নিগেটিভ আহিছিল। ভাৰতত নমাৰ লগে লগেই তেওঁলোক কেনেকৈ পজিটিভ হৈ পৰিল তাক লৈ আচৰিত হৈ পৰিল।
এই বিষয়টোক লৈয়েই উত্তপ্ত হৈ পৰে পৰিস্থিতি। যাত্ৰীসকলে বিমানবন্দৰৰ পৰা বাহিৰলৈ যাব বিচাৰে যদিও আৰক্ষীয়ে তেওঁলোকক বাধা দিয়ে।
125 passengers of an international chartered flight from Italy have tested positive for #Covid_19 on arrival at #Amritsar airport. pic.twitter.com/EDnMaIOn60
— Sanjay Jha (@JhaSanjay07) January 6, 2022
বিমানবন্দৰৰ ফালৰ পৰা যাত্ৰীসকলক আইছ’লেশ্যনত ৰখা হ’ব বুলি জানিবলৈ দিয়ে। অৱশ্যে তেওঁলোকক হোম কোৱাৰেন্টাইন নে আন কোনো আইছ্যলেশ্যন চেন্টাৰত ৰখা হ’ব সেয়া স্পষ্ট কৰা নাই।
বিমানখনত মুঠ ১৭৯গৰাকী যাত্ৰী আছিল বুলি জানিব পৰা গৈছে। বৃহস্পতিবাৰে দুপৰীয়া ১বাজি ৩০ মিনিটত বিমানখন অমৃতসৰত অৱতৰণ কৰে।