শুকুৰবাৰে ইৰাকৰ উত্তৰ অঞ্চলৰ আৰ্বিল চহৰৰ সমীপৰ এখন বিশ্ববিদ্যালয়ত সংঘটিত হোৱা এক ভয়াৱহ অগ্নিকাণ্ডত কমেও ১৪ জন লোকৰ মৃত্যু হোৱাৰ লগতে ১৮ জন লোক আহত হয়।
খবৰ অনুসৰি, প্ৰবক্তা আৰু ছাত্ৰ-ছাত্ৰী উভয়ে বাস কৰা বিশ্ববিদ্যালয়খনৰ এটা ছাত্ৰাবাসত এই ভয়ানক অগ্নিকাণ্ড সংঘটিত হয়।
ছ’ৰাণৰ স্বাস্থ্য সঞ্চালকালয়ৰ মুৰব্বী কামৰাম মল্ল মহম্মদে প্ৰকাশ কৰা অনুসৰি আৰবিলৰ পূব দিশৰ ছ’ৰাণত অৱস্থিত এটা অট্টালিকাৰ পৰা এই অগ্নিকাণ্ডৰ উৎপত্তি হৈছে।
অগ্নিনিৰ্বাপক বাহিনীয়ে ঘণ্টাৰ পিছত ঘণ্টা ধৰি চেষ্টা কৰাৰ ফলত অৱশেষত শুকুৰবাৰে নিশা জুই নিৰ্বাপিত হয় বুলি স্থানীয় সংবাদ সংস্থা ৰুডাউৱে প্ৰকাশ কৰিছে।
স্থানীয় কুৰ্দি টেলিভিছনৰ প্ৰতিবেদনৰ প্ৰাৰম্ভিক তথ্য অনুসৰি “বৈদ্যুতিক শ্বৰ্ট চাৰ্কিট”ৰ ফলত এই জুইৰ সূচনা হৈছে।
এই ভয়াৱহ ঘটনাৰ প্ৰতি সঁহাৰি জনাই স্বায়ত্তশাসিত কুৰ্দিস্তান অঞ্চলৰ প্ৰধানমন্ত্ৰী মাছৰৌৰ বাৰ্জানীয়ে এই বৃহৎ অগ্নিকাণ্ডৰ মূল কাৰণ নিৰ্ণয় কৰিবলৈ পুংখানুপুংখ তদন্তৰ আহ্বান জনাইছে।
