বিশ্বনাথ জিলাৰ হিমালয়া ভৱনত ৫ আৰু ৬ জানুৱাৰীত অনুষ্ঠিত হৈ যায় ১৫ নং ৰাষ্ট্ৰীয় চৈ কোৱাং ডো প্ৰতিযোগিতা৷ বিশ্বনাথ চাৰিআলিৰ চেম্পিয়ন মেকাৰ একাডেমী আৰু অসম চৈ কোৱাং ডো সন্থাৰ সহযোগত ২০১৮-১৯বৰ্ষৰ এই প্ৰতিযোগিতাখনত ভাৰতবৰ্ষৰ বিভিন্ন ৰাজ্যৰ প্ৰতিযোগীয়ে অংশ গ্ৰহণ কৰে। প্ৰতিযোগিতাৰ উদ্বোধনী অনুষ্ঠানত পতাকা উত্তোলন কৰে ৰাজ্যিক চৈ কোৱাং ডো সন্থাৰ সভাপতি ডঃ বিকাশ সৰকাৰে। বন্তি প্ৰজ্বলন কৰে চৈ কোৱাং ডো ভাৰতৰ সম্পাদক বিক্ৰম থাপা, আযোজক সমিতিৰ সভাপতি অঞ্জন বৰা আৰু অশোক বৰাই৷ ঋতুপূৰ্ণ খাটনিয়াৰ আৰু নৱজ্যোতি হাজৰিকাই আঁত ধৰা সামৰণি অনুস্থানত উপস্থিত থাকে বিশ্বনাথৰ চক্ৰ বিষয়া বিশ্বজিৎ শইকীয়া, অবিভক্ত শোণিতপুৰ জিলাৰ ক্ৰীড়া বিষয়া মনোৰমা দাস, বিশ্বনাথৰ অতিৰিক্ত ক্ৰীড়া বিষয়াৰ দ্বায়িত্বত থকা লানিমা তালুকদাৰ আৰু বহুতো৷
চেম্পিয়ন মেকাৰ একাডেমীৰ পৰিচালক তথা সদৌ অসম চৈ কোৱাং ডো সন্থাৰ সম্পাদক লগতে আয়োজক সমিতিৰ সম্পাদক হৃদয়ানন্দ দাসে জানিবলৈ দিয়া অনুসৰি ভাৰতবর্ষৰ বিভিন্ন প্ৰান্তৰ পৰা অহা তিনিশৰো অধিক প্ৰতিযোগীয়ে অংশগ্ৰহণ কৰা প্ৰতিযোগিতাখনত অসম দলে ২২টা সোণ, ৭ টা ৰূপ আৰু ৩ টা ব্ৰঞ্জৰ পদকেৰে শ্ৰেষ্ঠ দলৰ সন্মান লাভ কৰে। আনহাতে হাৰিয়ানা দলে দ্বিতীয় শ্ৰেষ্ঠ আৰু মণিপুৰ দলে লাভ কৰে তৃতীয় শ্ৰেষ্ঠ দলৰ সন্মান৷
অসম দলৰ পদক অৰ্জন কৰা খেলুৱৈ কল ক্ৰমে সোণ ভূমিস্থা দাস, হৰসীতা জৈন, আদৰীকা হাজৰিকা, হৰসীতা শইকীয়া, পৰিস্মীতা শইকীয়া, প্ৰজ্ঞান মনোজ কলিতা, অনোজ ভট্টাচাৰ্য, ময়ুৰেশ বৰা, শোভম গোস্বামী, ৰাগিনী বৰুৱা, জিম্পী দেৱী, প্ৰিয়দৰ্শনী লামা, টনি ভাগৱতী, অংগদ কাশ্যপ, অগোৰ মিঅ’, ৰাজৰ্ষী নাথ, মনদীপ বৰুৱা, পপ্পি নেৱাৰ, সুস্মিতা শইকীয়া, সাগৰীকা ভূঞা, কৌশিক ঘোষ, বিমল দাহাংগা ৰূপৰ পদক লাভ কৰা সকল হৈছে টিনা দাস, ব্ৰিমিশা খাটনিয়াৰ, অভিপ্ৰিতি সিং, হৃদয় জৈন, চনম লামা, অনুভৱ কাশ্যপ, ভাস্কৰ জ্যোতি শইকীয়া লগতে ব্ৰঞ্জৰ পদক লাভ কৰোঁতাসকল হিমাংশু শৰ্মা, স্বৰূপ সিং আৰু প্ৰতিম হাজৰিকা৷
