জম্মু-কাশ্মীৰত সন্ত্ৰাসবাদৰ বিৰুদ্ধে চলি থকা নিৰন্তৰ অভিযানৰ অংশ হিচাপে মঙলবাৰে শ্বপিয়ান অঞ্চলত এক এনকাউণ্টাৰত লস্কৰ-ই-তৈবাৰ তিনিজন সন্ত্ৰাসবাদী সদস্য নিহত হয়।
চহৰখনৰ নাগবাল অঞ্চলত নিৰাপত্তাৰক্ষীয়ে সন্ত্ৰাসবাদীৰ বিৰুদ্ধে অভিযান আৰম্ভ কৰিছিল। নিহত সন্ত্ৰাসবাদী তিনিজন সন্ত্ৰাসবাদ বিৰোধী আইনৰ অধীনত কেইবাটাও গোচৰত জড়িত আছিল বুলি আৰক্ষীয়ে জানিবলৈ দিছে।
কাশ্মীৰ আৰক্ষীয়ে এনকাউণ্টাৰটোত নিহত হোৱা তিনি সন্ত্ৰাসবাদীক ক্ৰমে ডেনিছ খুৰছিদ ভাট, তনবীৰ ৱানী আৰু টৌচিফ ভাট বুলি চিনাক্ত কৰিছে।
আৰক্ষীয়ে জানিবলৈ দিয়া মতে ইয়াৰে এজন সন্ত্ৰাসবাদী স্থানীয় যুৱকসকলক সন্ত্ৰাসবাদী সংগঠনটোত ভৰ্তি কৰোৱাত আৰু চোৰাং চিকাৰত জড়িত আছিল।
কাশ্মীৰৰ অতিৰিক্ত আৰক্ষী সঞ্চালক প্ৰধান টুইটাৰৰ আলোক কুমাৰে টুইটাৰ যোগে এই এনকাউণ্টাৰৰ বিষয়ে সদৰী কৰিছে।
টুইটটোত তেওঁ কয় যে নিহত তিনিগৰাকী সন্ত্ৰাসবাদীক এলইটিৰ স্থানীয় সন্ত্ৰাসবাদী ক্ৰমে ডেনিছ খুৰশ্বীদ ভাট, তনবীৰ ৱানী আৰু ট’চিফ ভাটবুলি চিনাক্ত কৰা হৈছে।
তিনিও সদস্য কেইবাটাও সন্ত্ৰাসবাদী অপৰাধৰ গোচৰত জড়িত আছিল বুলি তেওঁ নিশ্চিত কৰাৰ লগতে ডেনিছ নামৰ সদস্য গৰাকী শ্বপিয়ানত সন্ত্ৰাসবাদী গোটত স্থানীয় যুৱক-যুৱতীৰ ভৰ্তিৰ সৈতে জড়িত আছিল বুলি জানিবলৈ দিয়ে।
