৬০ গৰাকীকৈ ছাত্ৰীৰ স্নানৰ ভিডিঅ’ ভাইৰেল হোৱাৰ বিষয়টো তদন্ত কৰিবলৈ পঞ্জাৱৰ মুখ্যমন্ত্ৰী ভগৱন্ত মানে কেৱল মহিলাৰে গঠিত তিনিজনীয়া বিশেষ তন্তকাৰী গোট গঠনৰ নিৰ্দেশ দিছে। আৰক্ষীয়ে সোমবাৰেচণ্ডীগড় বিশ্ববিদ্যালয়ৰ ছাত্ৰীসকলে উত্থাপন কৰা অভিযোগৰ তদন্তৰ বাবে তিনিজনীয়া বিশেষ অনুসন্ধান দল গঠন কৰাৰ কথা ঘোষণা কৰি কয় যে হোষ্টেলৰে এগৰাকী ছাত্ৰীয়ে কমন ৱাছৰুমত ছাত্ৰীসকলৰ কেইবাটাও আপত্তিজনক ভিডিঅ’ ৰেকৰ্ড কৰাৰ প্ৰমাণ পোৱা গৈছে । আৰক্ষীয়ে লগতে জনায় যে জ্যেষ্ঠ আইপিএছ বিষয়া গুৰপ্ৰীত কৌৰ দেওৰ তত্বাৱধানত এছআইটি গঠন কৰা হৈছে।
পঞ্জাৱৰ আৰক্ষী সঞ্চালক প্ৰধান গৌৰৱ যাদৱে কয়, “দলটোৱে গোচৰটোৰ পুংখানুপুংখ তদন্ত কৰিব আৰু জড়িত কোনো ব্যক্তিক সাৰি যাবলৈ দিয়া নহ’ব।।”
ইপিনে সোমবাৰে খাৰাৰ আদালতত হাজিৰ কৰোৱা হয় চণ্ডীগড় বিশ্ববিদ্যালয়ৰ এমএমএছ গোচৰৰ তিনিও অভিযুক্তক । আদালতত ছানী, ৰাংকাজ আৰু অভিযুক্ত ছাত্ৰজনক হাজিৰ কৰোৱা হয় । তিনিওজন অভিযুক্তক কঠোৰ নিৰাপত্তা ব্যৱস্থাৰে খাৰা আদালতলৈ নিয়া হয় ।
এগৰাকী যুৱতীকে ধৰি তিনিজনকে চিমলাৰ পৰা গ্ৰেপ্তাৰ কৰা হৈছিল । তেওঁলোকৰ বিৰুদ্ধে ধাৰা ৩৫৪চি আৰু তথ্য প্ৰযুক্তি আইনৰ ধাৰাৰ অধীনত এটা গোচৰ ৰুজু কৰা হৈছিল । আনহাতে, এমএমএছ গোচৰৰ তিনিওজন অভিযুক্তকে ৭ দিনৰ আৰক্ষীৰ জিম্মালৈ প্ৰেৰণ কৰা হৈছে । ছানী, ৰংকাজ সিং আৰু অভিযুক্ত ছাত্ৰীগৰাকীক আদালতত হাজিৰ কৰোৱা হয় । উল্লেখ্য, বিগত দুদিন ধৰি এমএমএছ কাণ্ডই উত্তাল কৰি ৰাখিছে চণ্ডীগড় বিশ্ববিদ্যালয় ।চণ্ডীগড় বিশ্ববিদ্যালয়ৰ ছাত্ৰীনিবাসৰ ৬০ গৰাকী ছাত্ৰীয়ে স্নান কৰি থকাৰ দৃশ্য ইন্টাৰনেটত ভাইৰেল হোৱাৰ পিছতে তীব্ৰ উত্তেজনাৰ সৃষ্টি হৈছে।এনে আচৰিত ঘটনাৰ প্ৰতিবাদত উত্তাল হৈ পৰিছে চহৰ খন৷ ছদিনৰ বাবে চণ্ডীগড় বিশ্ববিদ্যালয়ৰ সকলো শ্ৰেণী বন্ধ ৰখাৰ সিদ্ধান্ত লৈছে বিশ্ববিদ্যালয় কৰ্তৃপক্ষই।
প্ৰতিবাদী শিক্ষাৰ্থীসকলৰ সৈতে হোৱা আলোচনাৰ অন্তত মাজনিশা শিক্ষাৰ্থীসকলে প্ৰতিবাদ স্থগিত ৰখাৰ কথা ঘোষণা কৰে। ইপিনে ভিডিঅ’ ভাইৰেলৰ ঘটনাকলৈ আৰক্ষীয়ে এতিয়ালৈকে তিনিগৰাকী লোকক গ্ৰেপ্তাৰ কৰিছে।গ্ৰেপ্তাৰ হোৱাসকলৰ ভিতৰত ভিডিঅ’ ৰেকৰ্ডিং কৰা ছাত্ৰীগৰাকী, তেওঁৰ চিমলাত থকা বন্ধুজনো আছে। ইয়াৰ মাজতে চণ্ডীগড় বিশ্ববিদ্যালয়ৰ হোষ্টেলৰ ভিডিঅ’ ভাইৰেল হোৱা ঘটনাৰ তদন্তৰ নিৰ্দেশ দিছে পঞ্জাৱৰ মুখ্যমন্ত্ৰী ভগৱন্ত মানে।
কেইবাগৰাকীও ছাত্ৰীৰ কিছুমান আপত্তিজনক ভিডিঅ’ ৰেকৰ্ড কৰি অনলাইনত পোষ্ট কৰাৰ খবৰকলৈ লৈ পঞ্জাৱৰ মোহালিৰ চৌহদত উত্তেজনা বিয়পি পৰিছে।ইয়াৰ মাজতে মুখ্যমন্ত্ৰী ভগৱন্ত মানে ঘটনাটোৰ তদন্তৰ নিৰ্দেশ দিয়ে আৰু কয় যে দোষী সাব্যস্ত হোৱা সকলৰ বিৰুদ্ধে কঠোৰ ব্যৱস্থা গ্ৰহণ কৰা হ’ব। তেওঁ কয় ” চণ্ডীগড় বিশ্ববিদ্যালয়ৰ দুৰ্ভাগ্যজনক ঘটনাটোৰ বিষয়ে শুনি দুখ লাগিছে… আমাৰ ছোৱালীবোৰ আমাৰ গৌৰৱ… ঘটনাটোৰ এক উচ্চ-স্তৰৰ তদন্তৰ নিৰ্দেশ দিয়া হৈছে… যিদোষী সাব্যস্ত হয় তেওঁলোকৰ বিৰুদ্ধে কঠোৰ ব্যৱস্থা লোৱা হ’ব,” । মানে আজি টুইটাৰত এই কথা কয়।মুখ্যমন্ত্ৰীগৰাকীয়ে ঘটনাটো সন্দৰ্ভত প্ৰশাসনৰ সৈতে যোগাযোগ কৰিথকা বুলিও উল্লেখ কৰে। তেওঁ লগতে উৰাবাতৰি বিশ্বাস নকৰিবলৈ সকলোকে আহ্বান জনায়।
