অসমত ৩০৫৪ নতুন ক’ভিড আক্ৰান্ত, পজিটিভৰ হাৰ ৬.২৫%

৩০৫৪গৰাকী ব্যক্তি অসমত বৃহস্পতিবাৰে ক’ভিড১৯ পজিটিভ চিনাক্ত হৈছে।

টেষ্টৰ তুলনাত পজিটিভৰ হাৰ যোৱা দুদিনতকৈ কিছু হ্ৰাস পাই ৬.২৫ শতাংশ হৈছে। বুধবাৰে এই হাৰ আছিল ৭.৪৪ শতাংশ।

যোৱা ২৪ ঘণ্টাত ৪৮,৮৪৬টা ক’ভিড টেষ্টত এইসকল ব্যক্তিক পজিটিভ পোৱা গৈছে।

পজিটিভ চিনাক্তসকলৰ মাজত আছে কামৰূপ মহানগৰৰ ৭৩৫, ডিব্ৰুগড়ৰ ১৯৮, কাছাৰৰ ১৯২ আৰু হোজাইৰ ১৭৬গৰাকী ব্যক্তি।

এইসকল ব্যক্তিক ধৰি অসমত সক্ৰিয় ৰোগীৰ সংখ্যা ২৯,২৭৪লৈ বৃদ্ধি পাইছে।

অসমত এতিয়ালৈকে মুঠ ১,১৮,৩৩৩গৰাকী ব্যক্তি ক’ভিড পজিটিভ চিনাক্ত হৈছে। ইয়াৰে তিনিগৰাকী আন ঠাইলৈ স্থানান্তৰিত হৈছে।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।

?Alert ~ 3054 #COVID cases detected today out of 48846 tests done in last 24 hours

Positivity Rate- 6.25%

Kamrup M- 735; Dibrugarh- 198; Cachar- 192; Hojai- 176

↗️Total cases 118333
↗️Recovered 88726
↗️Active cases 29274
↗️Deaths 330

10:30 PM, Sept 03 pic.twitter.com/obAbS9sBtN

— Himanta Biswa Sarma (@himantabiswa) September 3, 2020

ইপিনে আৰু সাতগৰাকী ক’ভিড১৯ ৰোগীয়ে অসমত প্ৰাণ হেৰুৱাইছে, বৃহস্পতিবাৰলৈকে মুঠ মৃতকৰ সংখ্যা ৩৩০লৈ বৃদ্ধি পাইছে।

শেহতীয়াকৈ মৃত্যু হোৱা লোককেইগৰাকী হৈছে— ডিব্ৰুগড়ৰ লখন গোৱালা (৫৫) আৰু নিৰ্মলা গগৈ (৪৩), শিৱসাগৰৰ ৰমেন বৰঠাকুৰ (৫৪), কামৰূপ মহানগৰৰ বিমলা নন্দ দাস (৮০) আৰু যুগল কিশোৰ দাস (৩৪), বৰপেটাৰ প্ৰিয়নাথ দাস (৫৮) আৰু নলবাৰীৰ কবিতা বৰ্মন (৩৩)।

বিপৰীতে ৮৮,৭২৬গৰাকী ব্যক্তিয়ে অসমত বুধবাৰলৈকে ক’ভিডৰ পৰা আৰোগ্য হৈ চিকিৎসালয় এৰিছে।