ভাৰতৰ চুবুৰীয়া বাংলাদেশত বিগত ২৪ ঘণ্টাত নতুনকৈ ৩৭ গৰাকী লোকৰ ক’ৰ’না ভাইৰাছৰ সংক্ৰমণৰ ফলত মৃত্যু হয়।
ইয়াৰ ফলত দেশখনত মৃত্যু হোৱা লোকৰ সংখ্যা ৩,৬৯৪ গৰাকীলৈ বৃদ্ধি পায়।
আনহাতে, বাংলাদেশত মুঠ ক’ৰ’না প’জিটিভ লোকৰ সংখ্যা ২৭৯১৪৪ গৰাকীলৈ বৃদ্ধি পায়। বিগত ২৪ ঘণ্টাত ২৫৯৫ গৰাকী লোক দেশখনত ক’ৰ’না প’জিটিভ হিচাপে চিনাক্ত হয়।
তদুপৰি, বাংলাদেশত বিগত ২৪ ঘণ্টাত ১৬৪১ গৰাকী লোক চিকিৎসাৰ অন্তত সুস্থ হৈ উঠাৰ ফলত দেশখনত সুস্থ হৈ উঠা মুঠ লোকৰ সংখ্যা ১৬০৫৯১ গৰাকীলৈ বৃদ্ধি হয়।
চৰকাৰী সূত্ৰ অনুসৰি বাংলাদেশত আৰোগ্যৰ হাৰ ৫৭.৫৩ শতাংশ হোৱাৰ বিপৰীতে মৃত্যুৰ হাৰ ১.৩২ শতাংশ।
বিগত ২৪ ঘণ্টাত বাংলাদেশত ৮৭ টা পৰীক্ষাগাৰত মুঠ ১২,৫২৩ টা নমুনা পৰীক্ষা কৰা হয়।
সমগ্ৰ বিশ্বত এতিয়ালৈ মুঠ ২১.৬৯ মিলিয়ন লোক ক’ৰ’না ভাইৰাছৰ দ্বাৰা সংক্ৰমিত হৈছে আৰু ৭,৭৫,৬২৬ গৰাকী লোকৰ মৃত্যু হৈছে।
