ক’ৰ’না ভাইৰাছত আক্ৰান্ত হৈ মৃত্যু ঘটিল এটি ৪ মহীয়া শিশুৰ
প্ৰতিনিধিত্বমূলক চিত্ৰ
দক্ষিণ ভাৰতৰ কেৰালাত আজি ক’ৰ’নাত আক্ৰান্ত এটি ৪ মহীয়া শিশুৰ আজি মৃত্যু হয়। এই মৃত্যুৰ ঘটনাই ৰাজ্যখনত এক শোকাকূল পৰিৱেশৰ সৃষ্টি কৰিছে।
শিশুটিৰ মৃত্যু ৰাজ্যখনৰ কোঝিকড়ে মেডিকেল কলেজত হৈছে। শিশুটিৰ দেহত বৃহস্পতিবাৰেহে ক’ৰ’না পজিটিভ ধৰা পৰিছিল।
জানিব পৰা মতে, চিকিৎসালয়খনত যোৱা তিনি মাহ ধৰি শিশুটিৰ হাৰ্টৰ লগতে নিম’নিয়াৰ চিকিৎসা চলি আছিল।
‘কালি কোভিদ-১৯ ধৰা পৰা মালাপ্পুৰমৰ এটি ৪ মহীয়া শিশুৰ আজি ৰাতিপুৱা কোঝিকড়ে মেডিকেল কলেজত মৃত্যু হয়। যোৱা তিনি মাহ ধৰি শিশুটিৰ হৃদযন্ত্ৰজনিত সমস্যাৰ চিকিৎসা চলি আছিল।
উল্লেখ্য যে, ক’ৰ’না ভাইৰাছৰ সংহাৰ হ্ৰাস পোৱাৰ বিপৰীতে দিনে দিনে তীব্ৰ হাৰত বৃদ্ধি পোৱাহে পৰিলক্ষিত হৈ আছে। ভাৰতত এই পৰ্যন্ত ২৩ হাজাৰৰো অধিক কোভিদ-১৯ত আক্ৰান্ত হৈছে আৰু মৃত্যু হৈছে ৭১৮ গৰাকী লোকৰ।