অসমত প্ৰথমজন ক’ৰ’নাত আক্ৰান্তক চিনাক্ত; নিশ্চিত কৰিলে স্বাস্থ্য বিভাগে
অসমত প্ৰথমগৰাকী ক’ৰ’না ভাইৰাছ আক্ৰান্ত ব্যক্তিক চিনাক্ত কৰা হৈছে।
কৰিমগঞ্জৰ এজন ৫২ বছৰীয়া এজন শৰীৰত ধৰা পৰিছে ক’ৰ’না ভাইৰাছৰ উপস্থিতি।
অসম চৰকাৰ স্বাস্থ্য বিভাগে প্ৰকাশ কৰিছে এই কথা।
শিলচৰ চিকিৎসা মহাবিদ্যালয় হাস্পতাল আৰু পুনেৰ NIV ত ব্যক্তিজনৰ স্বাস্থ্যৰ নমুনা পৰীক্ষাৰ কৰাৰ পিছত এই কথা নিশ্চিত কৰিছে ৰাজ্যৰ স্বাস্থ্য বিভাগে।
কৰিমগঞ্জৰ বদৰপুৰৰ লোকজনে ১৬ মাৰ্চত দিল্লীৰ পৰা অসমলৈ ওভতি আহিছিল।
লোকজনে দিল্লীৰ পৰা আহি গুৱাহাটীৰ হাতীগাঁৱপৰা কৰিমগঞ্জলৈ যোৱা বুলি জানিব পৰা গৈছে।
সম্প্ৰতি শিলচৰ চিকিৎসা মহাবিদ্যালয়ৰ হাস্পতালত চিকিৎসা চলাই থকা হৈছে আক্ৰান্ত লোকজনক
A 52-year-old person has been found positive for #Coronavirua and is Assam's first #Covid19 patient. He is undergoing treatment at Silchar Medical College. His condition is stable.
— Himanta Biswa Sarma (@himantabiswa) March 31, 2020
স্বাস্থ্যমন্ত্ৰী হিমন্ত বিশ্ব শৰ্মায়ো নিজৰ টুউটাৰ একাউন্টত টুইট কৰি এই বিষয়ে নিশ্চিত প্ৰদান কৰিছে। স্বাস্থ্য মন্ত্ৰীগৰাকীয়ে নিজৰ টুইটাৰত কয় যে, ‘‘এগৰাকী ৫২ বছৰীয়া লোকৰ শৰীৰত ক’ৰ’নাভাইৰাছৰ উপস্থিতি ধৰা পৰিছে। তেওঁ কোভিদ-১৯-ৰ অসমৰ প্ৰথম গৰাকী ৰোগী। তেওঁক শিলচৰচিকিৎসা মহাবিদ্যালয়ত হস্পাতালত চিকিৎসা প্ৰদান কৰি থকা হৈছে আৰু অৱস্থা বৰ্তমানস্বাভাৱিক,’’ স্বাস্থ্য মন্ত্ৰী হিমন্ত বিশ্ব শৰ্মাৰ টুইট।